Chapter Nine: Hatred

BAGO pa man kami pumunta ng airport ay pinagtalunan pa namin ni Damon kung kaninong kotse ang dadalhin.

"Kotse ko ang gagamitin natin. Ayokong magmaneho ng pangit na kotse." Ani Damon dahilan upang bigla na naman uminit ang aking ulo.

"Ang arte mo! Pwede naman natin dalhin 'yan pareho. 'Yong kotse ko ay gagamitin namin nina mommy at daddy. Then, 'yong kotse mo, gamitin niyo rin ng parents mo. I think, that's a good idea, right?"

"Brat, nag-iisip ka ba? Paano 'yan imamaneho pabalik ng driver ko? Isa lang ang dadalhin natin. At walang iba 'yon kundi ang kotse ko."

"Tss, so ikaw na naman ang kailangan na masunod dito?" sarkastikong tanong ko sa kanya.

Mabuti na lang at biglang dumating si dad. Kahit paano ay nahinto ang pagtatalo namin.

"What's going on here?"

"Nothing, dad!" magkapanabay na sagot namin ni Damon. Kapagkuwa'y bigla ko siyang inirapan.

"Pumasok na kayo sa kotse. Kanina pa naghihintay ang driver ni Damon." Giit la no dad.

"Dad, paano tayong magkakasya sa kotse ni