Chapter 101

CHAPTER 101

“I miss you too, Mom,” nanunubig ang mga mata ni Amelia habang kausap ang ina sa kabilang linya. Mag-iisang taon na rin nang huling beses niyang nakita ang kanyang mga magulang. Kasama ng mga ito sa Isla Molave ang dalawa pa niyang kapatid.

Si Terrence na sumunod sa kanya at kasalukuyang nagpapatakbo ng resort. Ang bunso naman na si Kieshel ay nasa college na sa Molave State University. Matagal na siyang pinatawad ng kanyang mga magulang pero ang sarili niya ay hindi pa.

Idinadahilan niya lang talaga na may negosyo siya sa Maynila at nag-aaral si Quin kaya hindi siya makauwi-uwi sa isla. Pero ang totoo, hiyang-hiya siya sa mga ito. Pakiramdam niya ay hindi sapat na pinatawad siya ng mga ito sa kabila ng pagsira niya sa sarili niyang buhay.

“Miss na namin si Quin. Ibinalita sa amin ni Joana ang nangyari. Ayos ka lang ba?”

“Yes, Mom. Dumating po si Kismo. Iniimbistigahan na rin ng mga pulis ang nangyari. I’m sta