Chapter 104

CHAPTER 104

“Happy ka ba?” nakangiti niyang tanong kay Quin matapos niyang ilapag ang huling tray ng spaghetti sa mahabang buffet table.

Nagniningning ang mga mata ni Quintano nang sumagot sa kanya. “Opo. Thank you.”

“Aw. Say thank you rin kay Daddy at sa Lolo’t Lola mo.”

“Sa dalawa ko pong Lolo at Lola? Tapos Tito at Tita pa?”

Mahina niyang kinurot ang dulo ng ilong nito. “Opo. Oh, sige na. balik ka na sa mga visitors mo. Bigay ko mamaya ang gift ko sa ‘yo kasi special yon. Happy birthday, Baby ko.”

Isa pang h alik ang ibinigay sa kanya ni Quintano bago ito nanakbo pabalik sa mga batang bisita.

Nagsisigawan at naghahalakhakan ang mga bata na kaklase lang din ni Kismo. Enjoy na enjoy sa mga laro na hinanda ni Nadia.

Sa isa sa mga property ng mga Revamonte idinaos ang birthday party ng bata. Malapit kasi iyon sa eskwelahan ni Quin at para madali makapunta ang mga kaeskwela nito.