Chapter 103

CHAPTER 103

Sinalubong ni Amelia ng mahigpit na yakap ang anak nang pumasok ito sa front door ng mansion. Ilang minuto lang ang nakalipas matapos nilang makita kung sino ang tumangay kay Quin ay may tumawag na kay Kismo.

Nagbigay ng impormasyon na nasa pinakamalapit raw na parke si Quin. Agad naman iyong pinuntahan ni Kien Massimo kasama ang mga nagpapatrolyang pulis.

“Mommy, ba’t ka po iyak?” Lito ang inosenteng bata nang magtanong.

“Sinaktan ka ba niya? Saan masakit? Saan?” Pinagsisipat niya ang katawan ng bata.

“Si Tita po? Hindi niya naman ako iha-hurt, Mommy. Sabi niya kasi punta raw kami sa ‘yo kasi bukas pa raw ikaw uuwi.”

Kanda-iling siya. “Di ba sinabi ko naman sa ‘yo, huwag kang basta-basta na lang sasama.”

“Know ko po si Tita Giuseppe, Mommy ko. Kakarga pa nga niya ako dati.”

“Baby.” Hinawakan niya ang magkabilang pisngi nito para mapirmi ang mga mata sa kanya. “Hindi ka na sasama kay Tita Giuseppe. Kapag nakita mo siya, hindi mo siya lalapitan. Magsusumbong ka