Chapter 42 (Part 1)

CHAPTER 42 (PART 1)

Isinara ni Joana ang hawak-hawak na story book nang makitang malalim na ang paghinga ng dalawang bata na magkahawak pa ng kamay. Hindi pa nga siya nakakapangalahati sa story book ay bulagta na ang dalawa.

Umaga pa lang kasi ay nasa rancho na ang mga ito. Nagtitili si Nadia nang makita ang mga kabayo. Nagpakampi ang bunso niya sa ama at si Kismo naman ay dinaan siya sa lambing para lang payagan na sumakay ang mga ito sa kabayo. Dahil napag-usapan naman na nila iyon ni Castiel bago pa man sila mag-almusal, ay pumayag na siya.

Sinigurado naman sa kanya ni Castiel ang kaligtasan ng mga bata. Ipinatawag nito ang mga tauhan sa rancho na eksperto sa pagpapaamo at pagsasakay ng kabayo para umalalay sa mga dalawang bata.

Napatingin siya sa pinto nang bumukas iyon at tahimik na pumasok si Castiel. Sa tulong malamlam na liwanag na naggaling sa table lamp, ang walong abs ni Castiel ang unang pinuntirya ng kanyang mga mata.