Chapter 105

CHAPTER 105

Ilang beses ng tinapakan ni Dominic ang pagiging babae niya. Gigil na gigil talaga siya. Patawarin siya ng mga matitino at mababait na lalaking may maliit na p-gkalalaki, sa pagkukumpara niya.

Nagdadabog na lumayas si Dominic sa bakuran nila. Naiiyak sa natamong insulto na tinuro-turo pa siya.

“So…”

“Don’t ever say a word,” sita niya agad. Nag-iinit ang mga pisnging tinaliman niya ito ng tingin.

Sumagot lang ito ng naaliw na tawa kaya mabibigat rin ang kanyang mga hakbang na bumalik sa party ng bata.

Patapos ng kumain ang mga ito. Nagbibigay na ng mga prize para sa mga nanalo sa laro kanina. Lahat din ay binigyan nila ng take home chocolate and candies na nakabalot pa sa paper bag.

Bago magsiuwian ang lahat ay kinantahan pa ng mga ito si Quintano ng ‘happy birthday’. Proud na proud naman ang bata habang nakakapit sa kanya.

Hyper na hyper pa rin si Quin kinagabihan. Dinadaldal