Chapter 136

PERFECT MISTAKE 22

Maluha-luha ang babae nang maubos nito ang isang baso ng tubig na inabot niya rito.

Nag-thumbs up ito sa bata. “Siyam ang buhay ko.”

“Parang cat?” hagikhik ni Celine.

“Oo. Parang pusa. Tapos na ako. Balik na ako sa taas, sakit ng ulo ko.”

Sinundan niya ang babae palabas ng kusina. “Dalhan kita ng gamot.”

“Hindi na,” kanda-iling ito at parang nagmamadali. “Itutulog ko na lang.”

Hinayaan niya na lang ang kaibigan dahil sanay naman na siya na kapag may hang-over ito ay nagkukulong lang sa kwarto.

“Ano nga po, Uncle?” kulit na naman ng anak niya.

“Celine, tama na ‘yan. Ubusin mon a ‘yang kinakain mo. Magbubukas pa tayo ng tindahan.”

Humihingi ng pasensyang tiningnan niya si Thor dahil sa mga pinagsasabi ni Celine. Sumunod naman ang bata sa sinabi niya kaya nakahinga siya ng maluwag.

Akala niya ay okay na. Iyon pala ay maaalala ulit ng bata an