Chapter 149

PERFECT MISTAKE 35

Kung ano man bumabagabag kay Killian, sigurado si Rosemarie na may kinalaman iyon sa naging usapan nito at ni Vioxx. He became silent when he left Vioxx’s home office.

Mas naging tahimik ang atmospera sa pagitan nila dahil tulog si Celine sa backseat, walang makulit na magdadaldal.

“Who are you texting?”

Napaangat siya ng tingin dito nang bigla na lang magsalita si Killian. Kusang ibinaba niya ang hawaka-hawak na cellphone na para bang may ginagawa siya roon na masama.

“Si Thor. Nag-reply ako sa kanya kasi kanina pa pala siya nag-text sa akin. Hindi ko napansin.”

“If you’re with me and Celine, don’t think of that sh!thead.”

Sumimangot siya nang hindi magustuhan ang tono nito. “Hindi naman kita tatay para sermunan ako at pagbawalan sa mga ginagawa ko.”

“Celine looked at me as her dad. Parang pamilya na rin tayo kapag magkakasama. Respeto na lang kay Celine.”