Chapter 5

KUNOT ang noong nag-angat ng tingin si Martina nang marinig ang mga impit na tilian at bungisngisan ng mga kababaihan sa kanyang paligid. Kabilang na ang mga kaibigan niyang kanina lamang ay masinsinang pinag-uusapan ang tungkol sa topic na tinalakay sa huling subject nila. Tila iisa ang mga ulong nakatingin ang mga ito sa bukana ng kantinang kinaroroonan nila. Nang hayunin niya ang tinitingnan ng mga ito ay nailing siya nang makita ang pinsang si Gray at ang mga kaibigan nito na papasok ng canteen.

"Sis, ang hot talaga ng pinsan mo. Juskolord, kapag naging jowa ko yan, promise, kahit sagutin ko ang rubber shoes ng buong basketball team nila, okay lang sa'kin." kinikilig pang bulong ni Anette. Kaibigan at kaklase niya.

Naiiling na ipinaikot niya ang mga mata. "Sira ka talaga."

Kanya-kanyang ngisihan at ilingan din ang mga kasama nila sa mesa.

Matagal na itong nagpaparamdam ng pagkagusto sa pinsan niya, ngu