4

Nagulat pa ako nang pagsapit ko sa mesa ko ay maabutan kong prenteng prente na nakaupo sa visitor’s chair si Ma’am Mary.

“M-mam, nandito pa po pala kayo.” Bahagya pa akong yumukod bilang tanda ng paggalang at isa pa ay nahihiya ako dahil sa naabutan niyang eksena sa amin ng anak niya kanina. Sa totoo lang ay ngayon lang nagsi-sink in sa akin ang buong pangyayari. Mas lalo pa akong nahihiya ngayon dahil walang ibang pinakita sa akin si Ma’am Mary kung hindi puro kabutihan lang. Baka mamaya pa nito ay iba na ang isipin niya tungkol sa akin.

“O iha, bakit ganyan ang hitsura mo? Bakit parang nahihiya ka sa akin?”

“Kasi naman po Ma’am…”

“Don’t tell me na nahihiya ka dahil sa naabutan kong eksena ninyo ni Aiden kanina?

Kimi akong tumango, tapos ay tangkang magpapaliwanag na sana.

“Kas-“ Hindi ko na naipagpatuloy ang sasabihin ko sanang paghingi ng paumanhin at pagpapaliwanag dahil pinutol niya ako agad sa isang kumpas ng daliri niya.

“Don’t bother to explain. I wont’hear it.”

Napalunok ako dahil sa narinig. Ito na ba, maeexperience ko na ba ang sinasabi ng iba na taglay na katarayan ng nanay ng boss ko?

“Ma’am, kung aalukin n’yo po ako ng pera para lang layuan si sir ay hindi ko po tatanggapin. No po, hindi nabibili ang prinsipyo ko ng kahit na magkanong halaga.” Determinado kong sabi.

Tumingin siya sa akin na parang hindi naniniwala. “Kahit pa fifty million?” tanong niya pa.

Namilog ang mga mata ko, ganoon kalaking halaga ang kaya niyang bitawan para lang hindi ko malahian ang angkan nila?

“Bakit parang pinag iisipan mo pa? Kung ako ang nasa katayuan mo, grab agad. Walang isip isip. Then bahala na si Aiden sa buhay niya.”

“Huh?” Para akong tangang nakatingin lang sa kausap ko.

“Binibiro lang kita, namutla ka naman agad riyan.”

“Ibig n’yo pong sabihin ay joke time lang iyong fifty million?” Hindi ko yata naitago sa boses ko ang panghihinayang dahil bumunghalit siya ng tawa sa sinabi ko.

“Too bad pina-prank lang kita iha. Pasensya na ha.” Pagkatapos ay muli siyang tumawa na naging dahilan para mas lalo akong maguluhan.

Ano ba naman itong mag inang ito. Iyong isa grabe sa sungit, sala sa init, sala sa lamig. Itong nanay naman ay iba ang trip sa buhay, parehas yata may saltik ang mag inang ito. Ano ba itong buhay na napasok ko?

“Huwag ka na kasing mahiya, kung dahil lang sa nadatnan ko kanina. In fact, ay gustong gusto ko nga iyon eh.”

“Po?”

“Puro na lang bang ganyang ang isasagot mo sa akin? Hay naku, maupo ka na nga muna rito.” Saka ko lang napansin na nakatayo pa rin pala ako kaya naman dali dali akong umupo sa silyang nasa harapan niya.

Nang tuluyan akong makaupo ay nagulat ako nang kunin niya ang dalawa kong kamay at saka tinitigan ako ng diretso sa mga mata. “Tell me hija, gusto mo ba ang anak ko?” Seryoso niyang tanong.

Sunod sunod akong napalunok, hindi ko inaasahan na itatanong niya ng direkta sa akin iyon ngayon.

“Ano na hija, para nalulon mo na ang dila mo at hindi ka nakasagot riyan. Naghihintay ako, gusto mo nga ba si Aiden” Muli niyang tanong nang matagalan ako sa pagsagot.

“Ma’am, hindi ko po kayo maintindihan. Bakit n’yo po ako tinatanong ng ganyan. Sekretarya niya po ako at amo ko naman po siya. Purely professional po ang relayson namin.” Kahit papaano ay pipilitin kong itanggi. Mahirap na at baka hinuhuli niya lang ako, baka utusan niya si sir Aiden na paalisin ako sa kumpanya.

Binitiwan niya ang mga kamay ko at saka animo Donya na sumandal sa upuan at humalukipkip. “Masyado na akong nag aalala sa anak kong iyan. Wala man lang kasing ipinapakilala sa akin na girlfriend, ultimo nililigawan ay wala rin yata.”

“Hindi po kaya…” Pambibitin ko pa. Paano ko ba sasabihin ang kumakalat na tsismis sa buong opisina.

“Gay?” tawa siya ng tawa pagkatapos. “What made you think that?”

Bahagya akong lumapit sa kanya at nagsalita sa mahinang tinig. “Kasi po ay may usap usapan dito sa office na iba ang sexual orientation ni sir. Kasi nga po ay katulad ng sinabi ninyo, wala siyang girlfriend, wala rin pong nililigawan.”

“No! No!” Tigas siya sa pag iling kasabay ng pagtawa. “Naging woman hater lang yata iyang anak ko.”

“Kasi nga po dahil baka ayaw niya talaga sa woman.” Nang iintrigang sambit ko.

“Naku iha, ako mismo mag aassure sa iyo na lalaking lalaki ang anak ko.”

Tiningnan ko siya ng puno ng pagdududa. Naisip ko kasi kung paano naman siya nakakasigurado samantalang hindi naman niya kasama sa bahay si sir Aiden.

Mukhang nahalata niya yata ang pag aalinlangan ko, na until now ay nagdududa na rin ako sa sexual orientation ng sir.

“Iha, siguradong sigurado ako na lalaking lalaki si Aiden. Babae lang ang hanap ay nanaisin ni Facundo Pipino.”

“Facundo po?” Lalo na naman akong naguluhan, hindi ba at si sir ang pinag uusapan namin? Bakit may ibang lalaki pang binabanggit itong si Ma’am?

“Facundo Pipino, iyon nag petname ko sa alaga ng anak ko.”

“Alaga po?” Alaga naman ngyaon. Lalo lang gumugulo nag usapan, kung saan saan na kami nakakarating. Maloloka na talaga ako sa mag inang ito. “Teka lang po, parang nalalayo na po tayo sa usapan. Bakit napunta po tayo sa alaga ni sir samantalang iyong sexuality niya ang pinag uusapan natin?”

Tumingan siya sa akin na tila hindi makapaniwala, pagkatapos ay muling nagsalita. “Seriously Yssa? Hindi mo magets kung ano iyong alaga ng anak ko na tinutukoy ko?”

Umiling lang ako, wala lang talaga akong idea. Hindi naman nagkwekwento si sir tungkol sa pet niya. Ngayon ko nga lang nalaman na may pet pala siya.

“Iyon ang tawag ko roon since medyo common na tawaging hotdog or talong ang genital ng isang lalaki, hindi ba?”

Napatango tango ako. “Ah! Si Junjun po pala ang tinutukoy n’yo.” At long last, naintindihan ko rin ang ibig niyang sabihin.

“Junjun? Iyon ba ang tawag niyong mga millennials doon?”

Nahihiya akong tumango. Nakkahiya naman kasi na pinag uusapan namin ang ano ng isang lalaki na parang wala lang dito sa opisina. Ang nakakaloka pa ay nanay pa ng boss ko ang kausap ko.

“So, mabalik tayo iha. Gusto mo nga ba si Aiden?”

Hindi ako makasagot, paano ko sasabihin na slight lang?

“I’ll take that as yes.” Tangka pa sana akong aapela dahil paladesisyon naman itong kaharap ko pero muli siyang nagsalita. “We have to do something. Kailangan nating gumawa ng hakbang para maging kayo ng anak ko.”

GUlat na anpatingin ako sa kanya. Totoo ba ang annay na ito, bakit parang binubugaw na niya ang anak niya sa akin? Ganito na ba siya kadesperada na magkagirlfriend si sir?

“Kung kinakailangang akitin mo, pwes gawin mo. Parati kang magsuot ng mga sexy na damit. Takawin mo.”

“Ma’am may dress code po dito sa office. Bawal po ang sexy.” Paalala ko pa sa kanya.

“Naku, hayaan mo iyan. Hindi ka naman masisibak dito kung hindi ka susunod sa dress code eh, akong bahala sa iyo.”

Napatingin naman ako sa suot ko.

“Ano bai yang mga sinusuot mo, ke pangit pangit. Nagmumukha ka ng pindangga. Kaya hindi ka mapansin ng anak o eh dahil diyan sa mga damit mo.”

Wow ha, naisip ko. Kailangan talagang pintasan ng harap harapan?

“Hindi po ba nakakahiya kay sir iyon?” Nasabi ko na lang.

“Yssa, hindi nakakahiya iyon. Kung tapat at tama naman ang nararamdaman mo ay okay lang iyon. Ganoon din ang ginawa ko sa tito Sam ni Aiden, kita mo nga at masaya pa rin ang married life namin.” Tukoy niya sa pangalawang asawa niya.

Napatango na lang akong muli. Kaya naman pala ang alkas makapagbigay ng suggestion, tried and tested na pala niya. Kumbaga been there, done that ang drama niya ngayon sa akin. Nakakaloka na nakakatuwa siyang talaga.

“So, Yssa. Game ka ha?”

Syempre ay hidni ap rin ako makapagsalita, ano ba ang isasagot ko?

“Papayag ka bang isipin ng ibang tao na binabae ang taong gusto mo? Papayag ka bang yurakan nila ang pagkatao ng bebe boy ko? Syempre naman ay ayaw mo ng ganoon, hindi ba?”

Nailing ako, narinig ko pa nga lang iyong sinabi ni Jenny ay kumukulo na ang dugo ko. Paano ap kaya kung marami na silang nagtsi-tsismisan tungkol doon. Ayaw ko ng ganoon. Kailangang maipagtanggol ko si sir sa mga malisyosang iyon. Kailangang bigyan ko ng hustisya si sir. Yes, hustisya para kay Junjun.

Ako naman ngayon ang umabot sa dalawnag kamay niya at tagos sa pusong nagsalita. “Sige po ma’am, payag na po ako.”

“Great! Kaya naman ay botong boto ako sa iyo manugang!”

Manugang daw oh, biglang palapak naman ang tenga ko sa narinig na iyon. Mukha tuloy akong tangang nakangisi ngayon.

“Miss Del-“ Pareho kaming napalingon nang marinig namin ang boses ni sir. “Mom? I thought nakaalis ka na?”

Nagkibit balikat muna si Ma’am mary bago sinagot ang anak niya. “Pauwi na rin ako, may pinag usapan lang kaming mahalaga nitong si Yssa.”

“Pinag usapan?”

“Tungkol lang sa ipapakilala ko sa kanya.” This time ay tunayo na siya at lumapit kay sir.

‘At sino naman iyon?” Uy, si sir, interesado.

“Si Facundo Pipino.” Mabilis na sagot sa kanya ng nanay niya saka mabilis na hinalikan sa pisngi si sir at saka tumalikod na.

Nang tuluyang mawala sa paningin namin si Ma’am Mary ay muli akong binalingan ng boss ko. “Sino si Facun? Whoever he is?”

“Facundo Pipino po.” Magalang kong sagot.

“What the heck? Anong klaseng pangalan iyon?”

“Pinsan po ni Junjun si Facundo.” Pigil ang tawang sagot ko sa kanya.

Mukhang lalo lang siyang naguluhan kaya tumalikod na lang at pumasok sa opisina niya. Sa sobrang pagkalito yata ay nakalimutan na niya ang iuutos sa akin. Mabuti naman at kaialngan ko pang pag isipan kung paanong mapapaamo si Facundo Pipino.