Chapter 13

Namamawis na ang mga palad ni Jacob habang hinihintay na pumunta si Sid sa shooting range. Hindi mapakali ang kaniyang mga paa at kamay dahil sa matinding kaba na kaniyang nadarama. Kung hindi siya magtagumpay sa unang test na iyon, agad na magiging dehado ang pagiging kandidato niya sa posisyon ng pangunahing bodyguard ng Presidente at natitiyak niya rin na ikapapamahak ito ni Kyla.

Nang makatapak si Sid sa harap ng mesa kung saan nakalatag ang iba’t ibang baril at mga bala ay isinuot niya ang kaniyang eye protection at headphone. Tumingin ito sa Presidente at tinanguan siya nito bilang pagsasabi na maaari niya nang damputin ang baril na nais niya. Matagal na tumingin si Sid sa mga nakalatag na baril, at sa huli ay pinili niya ang isang simpleng pistol. Kumuha siya ng tatlong bala at saka ito inilagay sa magazine. Huminga nang malalim si Sid, at saka itinaas ang baril at itinutok sa metal na hinulmang tao na limang metro ang layo sa kaniya. Dah