CHAPTER 11

Nagkatinginan naman sila ni Cora sa sinabi ng kaibigan.

"Naku! Mas mabuti pang sumayaw nalang tayo. Hindi ba sabi mo, nakapag-move on ka na dun?" wika niya na hinila na si Faye papunta sa dance floor.

Nagpaiwan naman si Cora para bantayan ang mga gamit nila. Lumapit pa sa DJ si Faye para mag-request ng sasayawin nila na agad namang pinatugtog nito. They dance seductively at sinabayan ang ritmo ng musika. Aliw na aliw sila sa pagsasayaw nang may mabangga sa likuran si Faye.

"Ano ba!" sigaw ng babae.

Napalingon naman silang dalawa ni Faye sa sigaw nito. Nakatalikod ang babae kay Faye at medyo nahihilo pa siya sa ilaw ng disco club, kaya hindi niya ito namukhaan agad.

"Ooppsss... I'm sorry miss–" nabitin sa pagsasalita si Faye nang lumingon sa kanila ang babae.

"Long time no see my dearest friends..." the girl smirked at them then flip her hair.

"Layla..." sabay nilang wika ni Faye.

Parang may madilim na aura ang bumalot sa pagitan nila. Ang kaninang masayang atmosphere ay biglaan yatang nawala nang makita nila ang babae.

"Nandito ka pala, Layla" tinaasan ito ng kilay ni Faye at tiningnan mula ulo hanggang paa.

" Yes my dear... Kayo lang ba? Nasaan si Cora?" she looked at her fingernails, then act like she's going to yawn.

Showing that she's really bored having a conversation with them.

"Halika na, Faye..." hinila niya si Faye para makaiwas sa gulo. Ayaw niyang sirain ang araw niya dahil lang sa mga walang kwentang bagay.

"Owwsss... iniiwasan mo yata ako sissy" nakangising wika nito sa kanya.

"Bakit? Hindi mo pa ba matanggap na iniwan ka ni Noah for me?"

Napahinto siya sa sinabi nito.

"Sinasagad talaga ng babaeng ito ang pasensya ko!"

Hinarap niya ito and she smiled sweetly at her. Hindi niya ibibigay ang satisfaction dito na makitang nasasaktan siya.

"Ano pa bang kailangan mo, Layla?" tanong niya rito na nakakunot-noo.

After that night, hindi na siya nanggulo pa sa kanila kahit siya na ang niloko. Ni hindi nga niya sinumbatan ang dalawa. She stayed calm and picked up herself kahit mamatay-matay siya sa sobrang sakit. Then ngayon, ito pa ang may ganang magsalita ng kung anu-ano?

"Wala naman, I just want the two of you to know that Noah proposed to me." masayang wika nito sa kanila.

"We're getting married asap"

Tumawa naman ng malakas si Faye sa narinig.

"Eh di wow?! Walang may pakialam. Kahit na magpakasal pa kayo sa impiyerno at maging ninong niyo pa ang mga demonyo. No one cares..." sarcastic nitong sabi kay Layla.

"Congratulations sa inyo, Layla. I wish your happiness" matipid siyang ngumiti rito then hinila na ng tuluyan si Faye na may sasabihin pa sana.

Ayaw na niya ng gulo. Tama na. Okay na naman siya. Tanggap na niya ang lahat. Kung na kay Layla talaga ang kaligayahan ng dating nobyo, wala siyang karapatang ipagdamot sa kanila iyon. She's happy being single again. Hindi siya makikipag-away ng dahil lang sa walang kwentang ex niya.

"Ano ba 'yon ha Beshy?! Ganun-ganun nalang ba iyon? Hahayaan mo lang sila?!" nagdabog ang kaibigan na si Faye bago naupo sa couch.

"Ano bang nangyayari?" tanong naman ni Cora na nakakunot-noo. Palipat-lipat ito ng tingin sa kanilang dalawa ni Faye.

"Ito kasing kaibigan natin, hinahayaan lang ang sarili niya na hamakin siya ng pokpok na Layla na 'yon!" reklamo ni Faye saka inirapan siya.

Napabuntong-hininga naman si Amara. Naiintindihan niya si Faye. Ayaw na ayaw nito na nagpapaapi ka. Galit na galit ito dahil gano’n lang ang naging reaksyon niya. Ang ayaw pa naman nito sa lahat ay malagay silang magkakaibigan sa kahit anong sitwasyon na dehado sila.

"Ayaw ko lang naman na masira ang araw natin dahil lang sa kanila" sagot niya rito at kumuha ng stallion upang inumin.

"Hindi ko pinatulan dahil ayaw kong e-level ang sarili ko sa kanya. Kaya I'm acted like that coz I'm already happy being single. Bakit pa ako magpapaapekto sa kanila?"

Umayos ng upo si Faye at hinarap siya.

"Kahit na! I can't believe na gano’n lang ang reaction mo. Bitin na bitin ako okay? Wala ka manlang sinabi na mga sayings na pwedeng pambara sa babaeng iyon!" inis nitong wika sa kanya at kumuha na rin ng stallion para inumin.

"I think, mas okay iyong ginawa ni Amara. She didn't step down on her level. Kalmado lang siya" pagsang-ayon naman ni Cora habang umiinom ng tequila.

"What?! Are you serious Cora?" hindi makapaniwalang tanong ni Faye.

Nagpalipat-lipat ito ng tingin sa kanilang dalawa ni Cora.

"Yes..." pinaikot-ikot nito ang basong hawak at naka-dekwatro ang mga paa habang sumisimsim ng tequila.

"Alam mo Faye, hindi lahat ng bagay ay dapat idaan sa init ng ulo. May mga bagay na kapag hindi mo pinatulan, mas lumiliyab. Like sa kaso ni Layla. I'm sure na nanggagalaiti 'yon sa galit dahil wala manlang naging reaksyon si Amara sa sinabi niya. Ang mga taong parehas ni Layla, mas gusto na may nakukuhang reaction sa kaaway niya. Ngunit, kabaliktaran ang ginawa ng kaibigan natin kaya I'm sure, galit na galit iyon ngayon"

Napatango-tango si Faye sa sinabi ni Cora. Ngumiti pa ito ng matamis sa kanilang dalawa.

"Ang galing talaga ni Mylabs!" niyakap nito si Cora na panay iwas naman.

"Don't call me that! Can't you see? I'm having goosebumps here!" lukot ang mukha nitong sabi kay Faye na ikinatawa lang nila.

“Ah talaga? Mylabs?” pang-aasar ng kaibigan.

“Stop it!” saway ni Cora na tinakpan ang mga tenga.

“Nope!” sagot ni Faye na tumayo saka tinabihan ang kaibigan nila, “Mylabs, Mylabs, Mylabs!”

Tawang-tawa naman si Amara sa hitsura ni Cora. Halatang pinipigilan lang nito ang sarili na huwag sakalin ang kaibigan. Grabe rin kasi kung mang-asar itong si Faye. Kahit nga siya ay nabwebwesit dito kung minsan.

Nag-asaran pa silang tatlo bago nagpasyang umuwi. Lasing na lasing naman si Faye kaya napagpasyahan nila na ito muna ang unang ihatid pauwi. Nang makabalik sila sa sasakyan at nagmaneho na si Cora ay nilingon siya nito.

"Okay ka lang ba?" tanong nito at may kinuha sa glove compartment na small bottle at ibinigay sa kanya.

"Inumin mo 'yan, nabigyan ko na si Faye niyan kanina. Pampawala sa hang over"

"Salamat..." sagot niya at tiningnan ang small bottle habang nakangiti.

"Okay lang ako. I just realized this past few weeks kung gaano ako naging tanga kay Noah"

Lumingon naman sa kanya si Cora na nagtataka.

"What do you mean?" tanong nito na napahinto dahil sa traffic.

"Nagkita kami. Well, bago iyon, pumunta pa siya sa opisina pero hindi ko kinausap. Then, I was having dinner that time when he approached me. Gustong makipagbalikan" mahabang paliwanag niya.

"Hmm...Go on" sagot ng kaibigan na umabante na.

"Ayun, I told him na wala na siyang aasahan sa akin. That I understand na hindi lang talaga kami ang para sa isa't isa" aniya at ininom na ang ibinigay ni Cora kanina sa kanya.

"So, anong sabi niya?" tanong nito.

"Nagalit... Tinawag akong pokpok. Excuse ko lang daw 'yong mga sinabi ko at nagfi-feeling virgin lang daw ako" sagot niya na may malungkot na ekspresyon sa mukha.

"Aba't gago pala siya eh!" sigaw ni Cora na nahampas pa ang manibela sa sobrang inis.

"Kapag 'yang gago na iyan, makita ko lang iyan. Babalian ko iyan ng mga buto"

"Mars..." napabuntong-hininga naman siya sa reaksyon nito.

"Hayaan mo na iyon. Nakaganti naman na ako"

Tiningnan lang siya nito na may halong pagdududa.

"Oo nga!" natatawang wika niya.

"Salamat sa iniregalo mong sasakayan. Ayun, nakuryente ang gago!"