Kabanata 4

MIREN POINT OF VIEW

"Miren! Miren! Miren!" Napahinto ako sa pagsubo ko nang kutsara ng marinig ko si Beverly

Ang aga-aga pa pero iyong boses niya rinig hanggang kabilang kalawakan. Ano na naman ang pakay ng isang ito? Si Fille kaya guluhin niya, tignan ko kung hindi tumiklop ang bibig niya kapag tinignan siya ng masama ni Fille.

"Anong kailangan mo, Beverly? Ang aga-aga pa nambubulabog ka na. Natutulog pa iyong kapatid ko!" angil ko rito at pinagpatuloy ang pagkain ko.

Umupo ito sa tabi ko at kumuha ng pandesal, "may bagong nangungupahan sa apartment namin..." Naningkit ang mata ko sa kanya.

Iyon lang ba sasabihin niya? 

"Edi, congrats, Verly!" matamlay na ani ko rito. 

Akala ko naman kung anong good news na ang sasabihin niya. 

"Hindi lang iyon, Miren..." Tumingin siya sa paligid namin at pinagpatuloy ang sasabihin, "ang gagwapo nila..." Sabay mahinang tili niya. 

Napailing na lang ako sa kanya basta gwapong lalaki talaga. 

Kinalabit niya ako, "ano na naman, Beverly? Kumakain ako. Doon ka muna sa may sala, patapusin mo muna akong kumain." sabi ko rito at sumubo ulit.

"Maligo ka na rin, Miren. Sabi ni Mama samahan natin iyong bagong nangungupa sa amin. Wala silang gamit. Kawawa naman. Kinausap ko na rin si Fille, siya ang unang pinuntahan ko bago ikaw." Sabay alis nito sa lamesa namin.

Sabi ni Tita sa kanya? O, sinabi niya kay Tita? Beverly talaga! Kung kailan weekends, manonood lang akong Itaewon, e! 

Tsk.

Naglalakad kami rito. Papunta kaming 168 Mall. Doon kasi ang murang mga gamit. Kutson daw at iba pang kailangan sa bahay nila. Mangungupahan sila tas wala man lang silang dala, maging mga damit nila. 

Duda ako sa kanila. 

Sumabay sa akin sa paglalakad si Fille, "duda ka rin ba sa kanila?" mahinang tanong nito sa akin. 

Kumindat ako sa kanya, na ibigsabihin ay Oo para sa amin. 

"Saan ba tayo pupunta?" pagtatanong nu'ng isang lalaki na may highlights ang buhok na blond at gray. 

"Ah... Sa 168 mall. Ayon na, oh?" Sabay turo ko rito. Narinig kaya niya tanong ni Fille. 

Narinig kong tumawa ang isa nilang kaibigan, Kieron yata ang isang ito pero agad din siya tumigil dahil sinamaan siya ng tingin nu'ng nagtanong sa akin. Ano nga ulit pangalan nito?

"Siya si Virion, Miren..." agaran na sabi ni Kieron sa akin. 

"H-ha? Ah, okay..." Paano niya nalaman iniisip ko? 

Nahihiwagaan talaga ako sa kanila. 

Pumasok kami sa 168 Mall at agad na pumunta sa bilihan ng mga kutson and unan. Kailangan tuloy naming magtaxi mamaya pauwi, hindi naman p'wedeng i-commute niyang mga 'yan, sagabal sa mga ibang pasahero. 

"Heto magandang klase, oh? Malambot..." Nakatayo lang kami ni Fille rito habang si Beverly todo paliwanag kung maganda iyong mga hinahawakan niya sa apat na iyon.

"Saan tayo next?" 

Kumibit-balikat ako kay Fille, "hindi ko alam... Wala raw silang damit baka roon tayo next. Duda ako sa kanila, papasok sa University natin na walang dalang gamit man lang pero enrolled na sila?" 

"Me too, Miren. Hetong si Beverly lang ang walang pakealam. Basta makakita ng gwapo, gora na agad siya." Tumango ako sa sinabi ni Fille at sabay kaming napailing sa kaibigan namin. 

"Gusto ko na agad umuwi, manonood pa ako ng itaewon!" Umupo ako rito sa may tabi ng entrance ng store na 'to. 

Ayaw na ayaw ko talaga ang mamili. Napapagod ka na, mauubos din pera mo. 

"Miren? Tignan mo nga texture nitong tabo nila?" tawag sa akin ni Beverly.

"What? Pumili ka na lang kahit anong tabo diyan. May texture-texture ka pang nalalaman d'yan." buyaw ko sa kanya. 

Nakatingin sa akin iyong Virion kaya napatayo ako. Nakakailang talaga siya. Hindi ko alam pero naiilang ako kapag tumitingin siya sa akin. 

Nauna akong lumabas ng marinig ang boses ni Beverly, na babalikan namin ang mga pinamili nila. 

"Sa damit naman tayo and sa mga appliances niyo sunod?" Tumango naman sila sa sinabi ni Beverly lalo na iyong may kulay na blue ang buhok. 

Mukhang need nilang magpakulay ng buhok lalo na't bawal sa campus ang ganyang kulay. Except doon sa Virion na iyon, p'wede ang gray hair.

"Bagay sa'yo 'to, Blade? You look badboy kasi, e..." Nakaupo ako rito sa may silya ng store habang tinitignan si Beverly at iyong Blade na iyon, iyong may blue na buhok. 

Bakit iba ang nakikita ko parang ang tagal na nilang magkakilala. Iyong tingin nu'ng Blade sa kaibigan ko... 

"Akala ko ako lang nakakapansin sa kanila..." Napatingin ako kay Fille.

"Kanina pa siya nakatingin kay Beverly simula ng umalis tayo at hindi nagbabago ang tingin niyang ganyan." Fille is more observant than me.

"Also, that guy, Iyong Virion na tinatawag nila kanina pa rin nakatingin sayo. Pasulyap-sulyap sayo kapag hindi ka tumitingin sa kanya. And, also that guy, iyong Orpheus..."

"Kanina pa rin nakatingin sa'yo, Fille." Dugtong ko sa sasabihin niya.

"Oo. And, naiirita ako, Miren. Ayokong tinitignan ako!" Napangiwi na lang ako sa sinabi niya.

"Iyong Kieron, Fille, kanina pa tumatawa. Wala namang nakakatawa, hindi nga siya kinakausap nu'ng tatlo. Nababaliw na yata siya, diba? Kailangan na ba nating tumawag ng Mental hospital? Baka may nakakausap siya na hindi natin nakikita?" Nagulat kami ng tumigil siya sa pagtawa at tinignan kaming dalawa ni Fille.

Narinig ba niya kami? Nagkatinginan kami ni Fille at agad na tumayo sa upuan namin at tumabi kay Beverly.

"Anong problema niyong dalawa?" pagtatanong nito habang naghahanap ng damit para roon sa Blade.

"I-iyong kaibigan niyo, ang sama ng tingin sa amin." sumbong ko kay Blade. Mukhang sa kanilang apat siya lang ang matino sa kanila.

Masama talaga tingin niya sa amin parang susugurin kaming dalawa ni Fille.

Tumawa siya sa sinabi ko, "huwag niyo siyang intindihin. Mayayari siya sa dalawa kapag ginalaw niya kayo... Ganyan lang talaga niyan." 

"Ha? Parang may sinabi ka?" pagtatanong ko rito. 

"Wala ha? Ayos na ako sa mga napili mo, Beverly. Masyadong marami na ito." Pigil niya kay Beverly na todo hanap pa rin.

"Ay, ganoon ba? Mas maraming damit mas maganda!" Napailing na lang kami sa sinabi niya. 

After naming mamili ng mga damit nila at iba pang gamit nila sa bahay, kumain na rin kami. 

Akala ko hindi nila kami papapakainin, e.

"Ayos lang ba kayo sa kinakain niyo? Vegan ba kayong lahat?" Nagtatakang tanong ko sa kanila. 

Sa buffet nila kaming dinala, sabi nga namin okay na kami sa Jollibee, Mcdo or KFC pero dito nila kami dinala.

Puro gulay kasi ang nasa plate nila. Silang apat. May iilang manok pero mostly, gulay talaga. 

"Ayaw niyo ng kanin? Hindi kayo mahilig sa kanin?" Umiling sila sa tanong ni Fille. 

"Ah, kaya naman pala magaganda mga katawan niyo, e. Healthy foods ang kinakain nila... Ayaw niyo dinuguan." pagpupuri ni Beverly sa kanila pero agad silang tumanggi sa alok ni Beverly.

"No."

"Ayos na kami rito."

"Hindi ako kumakain ng ganyan."

"Okay na ako rito sa kinakain ko." 

"Ah, okay? Masarap pa naman ito," Kakamot-kamot na wika niya sa apat.  

Hindi na namin sila pinansin at kumain na rin ako. Nakakahiya, kung sino pang lalaki sila pa ang healthy kumain. 

Hindi ba sila kumakain ng ibang foods? Why not na dalhan ko sila bukas? O, nagpapasikat lang sila sa amin? Ay, ewan ko! Basta ako, buong araw ako nasa bahay bukas. Manonood ng KDrama!