Chapter 42

Katulad nga ng nakasanayan ko, mahigit tatlong oras akong nakababad sa banyera habang nakatitig lamang sa kawalan at parang baliw na pinaglalaruan ang bulang nakalutang sa tubig kung saan ako nakalublob ngayon.

Bandang tanghali na nang mapagpasyahan kong umahon galing doon dahil nakaramdam ako bigla ng pagkalam ng sikmura ko. Tahimik lang akong kumain at pagkatapos ay niligpit ko na rin ang mga pinagkainan ko.

Sobrang tahimik ng silid. Hindi naman ako sanay na manatili rito buong maghapon sa araw ng trabaho ko. Kapag kasi wala akong trabaho't day off ko, umuuwi ka agad ako ng probinsiya at doon tutuloy. Ngayon ay nakakapanibago. Wala na rin naman akong ibang pwedeng gawin kaya napagdesisyunan ko na lang na maglinis at magligpit ng mga gamit para sa pag-alis ko bukas. Oo, mas pinili kong umuwi muna sa probinsiya. Wala rin namang mangyayari kung magpapaliwanag ako sa kanila, kaya mas maiging sulitin ko na lang ang kagaguhang ginawa ng lalak