Chapter 41

"Ma'am, wait! We can ask our boss, first before—"

Hindi ko na pinansin ang babaeng nakasunod sa akin at sunod-sunod na kumatok sa pinto ng opisina ng lalaking iyon. 

"Huy, Valencia!" pagalit kong sigaw. 

Bwiset! Wala na akong pake kung mag-eskandalo ako rito o kung mapahiya ako! Hindi ko na talaga kayang kontrolin pa ang sarili ko dahil sa sobrang galit sa lalaking iyon! 

Pinahiya niya ako! Sino bang matutuwa roon?! 

"Ma'am, wait—" 

Akmang hahawakan ako ng babae na sa pagkakaalam ko ay bagong sekretarya ng kompanyang ito nang biglang bumukas ang pintuan. Bumungad doon ang bastardong lalaking nagpahiya sa akin. 

Hindi man lang ito nagulat sa pagdating ko na para bang inaasahan niya ang pagpunta ko rito. Mayamaya pa ay inilipat nito ang kaniyang mga mata sa babaeng nasa likuran ko at sineyasan itong