Chapter 36: We're not done yet

Habang nasa daan ay naramdaman ko na lang ang dahan-dahang pagpatak ng tubig mula sa itaas. Inilahad ko ang mga kamay ko at ano mang oras ay lalakas na ang ulan kaya nagmadali na rin akong umuwi.

Pag-akyat na pag-akyat ko ng rooftop ay sinalubong agad ako ni Thunder ng isang mahigpit na yakap. “B-bakit?”

“Saan ka nagpunta? Nag-alala ako. Paggising ko wala ka na, akala ko iniwan mo na ako.” Kumalas siya sa pagyakap at hinawakan ako sa magkabilang balikat. Ngumiti lamang ako ng tipid.

Nasasaktan akong makita siyang ganito. Paano pa pagtuluyan ko na nga siyang iniwan?

“Sorry pinag-alala kita. Bumili lang ako sa market. Wala na kasing laman ‘yung ref, eh.” Ipinakita ko sa kanya ang mga dalang plastic at nagpakawala naman siya ng malalim na buntong hininga. Matapos noon ay kinuha niya ang mga dala ko at sabay na pumasok sa loob.

“Wag mo nang uulitin ‘yon, ah? Nag-alala talaga ako. Naiwan mo pa ‘yung phone mo.” Sabi niya nang ilagay niya ang mga pinamili ko s