Anastasia is Dead

Kasalukuyan kaming nasa Grey's Cave–it's a study room specially made for Greyson. Ito ang nagsisilbi naming tambayan pagkatapos kumain. 

Gaya ng nakagawian ay kaniya kaniya na kami ng pinagkaka-abalahan. Sina Tori at Grey ay abala sa pag p-pda, si Lucas naman ay nanonood ng music video ng kaniyang grupo, at si Shantel na hindi mapakali sa cellphone niya. Ako naman ay abala sa pagbabasa ng paborito kong libro.

"What the fuck?!" 

Napatalon kami sa biglang pagtili ni Shantel, para itong nakakita ng multo habang nakatingin sa screen ng cellphone niya.

Dali-daling inagaw ni Grey ang cellphone nito at nakita ko ang pagbilog ng kaniyang mga mata. Kaya naman out of curiousity ay nakisilip na rin ako. 

'AB PolSci 3A, Class of Lies.'

Iyon ang caption ng post sa aming group page, tapos sa baba ay mayroong dalawang larawan.

A fake beauty queen.

Iyon ang caption sa picture ni Shantel noong nanalo siya as Miss Quezon City.

A cheater.

Sa taas noon ay ang picture ni Grey, na may kahalikang babae. Hindi ko alam kung sino iyong babae, pero sigurado akong hindi si Tori 'yun.

Walang salita na naglakad palabas si Greyson, at para naman kaming mga magnet na nagsinuran dito. 

Pagkapasok namin sa room ay alam na agad ng mga kaklase namin ang kanilang gagawin. What happens here, must stay here. Hindi pwedeng masira ang perpektong imahe ng section namin.

Naabutan naming nakadukmo sa armchair niya si Sia, nakasuot pa ito ng earphone at mukhang nag eenjoy sa pakikinig ng music. Kaya naman ganoon na lang ang gulat ko noong kaladkarin siya patayo ni Greyson.

"I already warned you, Sia." Bakas ang galit sa mga mata ni Grey na matapang namang sinasalubong ni Sia.

"You freak! Why don't you just leave us alone. Why don't you just die?!" tili ni Shantel sabay sabunot kay Sia

Mabilis ko naman itong inawat at inilayo kay Sia na ngayon ay nakalitaw na naman ang mga mapanuksong ngisi.

Inayos nito ang sarili saka hinarap si Shantel. "Kasalanan ko bang pati sa pageant mandaraya ka? Kasalanan ko bang hindi mo kayang manalo kung hindi ka mandadaya kasi nga talentless ka?" Humalakhak pa ito kaya naman mas lalong nag alburuto si Shantel.

"Bitawan mo 'ko Blaise, I will kill that freak!" Nagpupumiglas pa ito pero hindi ko siya hinayaang makawala sa kamay ko.

"At ikaw naman Greyson. . ." Muling umalingawngaw ang paghalakhak nito. ". .hindi ba't ikaw ang humalik sa akin? Kaya bakit parang kasalanan ko?" panunuya pa nito saka bumaling kay Tori at napailing

"You can't fool me. Malandi ka!" Walang pag aalinlangan nitong sinugod si Sia at sinabunotan.

Maging ang kanina pang nagpupumiglas na si Shantel ay nakitulong din sa pagsabunot dito. 

"Ano bang ginagawa niyo? Awatin niyo sila?" baling ko sa mga kaklase ko habang pilit inaawat ang dalawa

Ngunit wala ni isa sa kanila ang tumulong sa akin. Akala mo ay hindi nila nakikita ang nangyayari.

"Lucas?!" baling ko pa rito pero nakatitig lang ito sa tatlo ng walang emosyon

"Shantel, Tori, please tama na." pagmamakaawa ko habang pilit kong itinatago sa likod ko si Sia

"Wag kang makialam dito, Blaise. Baka ikaw ang sabunotan ko!" banta ni Shantel

Akmang susugod ulit ang dalawa noong itaob ni Sia ang teacher's desk, dahilan para mapaatras sila.

"Ilang beses ko bang sasabihin na hindi ako ang may gawa nito! Isipin niyo kung anong gusto niyo, wala na akong pakialam." humahangos pa ito na tinapunan ng tingin ang dalawa, saka nagmartsa palabas ng room

"That freak, I will kill her." Napasabunot pa sa inis si Shantel. "At ikaw, bakit mo ba kami pinipigilan ha? Kampi ka ba sa freak na iyon?" baling nito sa akin

"Wala akong kinakampihan sa inyo. Sadyang hindi lang tama na saktan niyo siya. Ako ng bahala, kakausapin ko siya." 

"Do what you need to do." baling sa akin ni Tori

Tumango na lang ako at sinundan sa labas si Sia. Hinanap ko ito sa mga lugar na pwede niyang puntahan pero wala ito, marahil ay umuwi na. 

Sa huli ay bumalik na lang ako sa room, mamayang uwian ko na lang siyang kakausapin.

Kinabukasan. . .

Maaga akong pumasok, hindi ko kasi nakausap kahapon si Sia. 

Unti unti nang nagsidatingan ang mga kaklase ko, maging sina Shantel ay dumating na rin pero wala paring Sia na pumapasok. 

Unti unti na akong tinatamaan ng kaba, hindi kasi nito ugali ang mahuli sa klase. Palagi itong maaga kaysa sa amin.

"Mukhang natakot ng pumasok ang freak." nakangising si Shantel

Napa-buntong hininga na lang ako at matamang naghintay. 

"Guys! Guys! Guys!" Humahangos pa si Keily noong dumating ito. "I have a shocking news." 

"Is it about that freak?" curious na tanong ni Shantel

Mabilis naman itong tumango na mas lalong nagpakaba sa akin. Lahat kami ay nag aabang sa sasabihin nito. Ano nga bang nangyari kay Sia?

"Anastasia is dead." 

Para akong nabingi sa sinabi ni Keily. Paanong. . .

"What?!" sigaw pa ni Tori

"I repeat, that freak Sia. . .is dead. Dead." ulit pa ni Keily

Napuno ng katahimikan ang silid na iyon, lahat kami ay di makapaniwala. Paanong patay na si Sia?

"Well, that's great!" ani Shantel at pumalakpak pa, "We should celebrate." 

Napabaling ako dito? Puno ng pagtataka, sa kung paano niyang nasasabi ang ganoon.

Tumayo naman si Tori. "Shantel's right. Sagot ko na ang party." 

Dinaluhan pa siya ni Shantel at maging ang mga kaklase namin ay nakisali sa kanilang pagsasaya. Hindi ako makapaniwala sa mga nakikita ko. 

Nanghihina ang mga tuhod ko sa bawat pagpalakpak at pagtawa nila.

Paano nila nagagawang magsaya sa pagkamatay ni Sia. 

At ang pinaka-malaking tanong sa isip ko ay, bakit at paano biglang namatay si Sia?