Chapter 48.1

Tumayo ang lahat at nagpalakpakan. May sumisigaw pa. Pero nandoon lang si Jewel sa gitna ng mga nagsasayang tao. Nakatulala.

Did the preacher just summarized who is Jesus in the Bible?

"Powerful! Praise to the resurrected King! The King of kings, the Lord of lords! There is no other name under heaven given among men that which we must be saved!

JESUS!"

Nagsimulang tumugtog ang isang upbeat music na sinasaliwan ng isang tonong hindi pamilyar sa kaniya.

Tinaas ng mga tao ang kamay. Nagtaka si Jewel sa ginagawa ng mga ito. Tumingin siya kay Gideon nakatayo sa gilid niya. Nakapikit din ito at nakataas ang kamay.

Why do people keep on raising their hands on the air?

Tumaas ang kilay niya. Gusto niya sanang umalis dahil hindi siya komportable habang naririnig ang kinakanta ng mga tao. Pero masyadong maraming tao at magkakalapit pa, kaya mahihirapan siyang lumusot sa mga ito.

Narinig niya pa ang boses ni Gideon, nakasunod lang sa kanta ng nakakarami.

Tinakpan niya ang tainga at pinikit nang mariin ang mga mata. Masakit sa tainga ang boses ng mga tao. Nanghina ang tuhod niya. Nanginig.

Nagmulat siya at masamang tiningnan si Sean na kasalukuyang nandoon sa mataas-taas na platform. Nilibot nito ang tingin at nagtama ang tingin nilang dalawa. Mas pinagbuti nito ang pagkanta at pinikit ang mga mata.

Mas lalong tumalim ang titig niya rito.

Nasapo niya ang bibig nang bumaliktad ang sikmura niya. Umamba siyang susuka, pero walang lumalabas sa bibig niya. Napahawak siya sa tiyan. Patuloy siya sa akmang pagsuka pero walang lumalabas sa bibig.

Ilang minuto siyang gano'n, hanggang sa tuluyang nanghina ang tuhod niya. Napaupo siya sa monoblock chair. Hinihingal.

She's certain that something happened to her. She felt something lifted up, something came out of her. Nawala ang bigat sa kalooban niya. And she felt confident.

Confident for what? She don't know. Hindi niya rin alam kung saan galing ang kompiyansa sa sarili.

Natapos ang kanta. Bumaba mula sa may kataasang platform si Sean, at umakyat doon ang isang lalaki na hindi niya kilala. Naupo naman ang mga tao sa nakahandang mga monoblock chair. Pati si Gideon ay naupo na rin.

Kinuha ng lalaki ang mic at nagsalita. "Magandang araw. Ako si Pastor Berion. Sa mga nakadalo no'ng huling event, kilala niyo na ako." Ngumiti ang lalaki.

Inayos ng mga organizer ang white screen at projector. Maya-maya pa'y pumaskil sa screen ang malalaking letra ng Sexual Immorality.

"May bala ng kanyon na paparating sa atin. Ang iba nga ay binomba na't hindi na kayang lumaban sa kalaban," sabi ni Pastor Berion. "Sexual Immorality. Bakit nga ba napakatahimik ng simbahan pagdating sa usaping ito?"

Nilibot ng Pastor ang tingin hanggang matagpuan ng mga mata nito si Jewel. Hindi niya alam kung ngumiti ang lalaki sa kaniya o ngumiwi.

"Tikom ang bibig dahil ba, masyadong kontrobersyal at konserbatibo ang mga tao? Na ngumingiwi tuwing pinag-uusapan ito? Hindi niyo ba alam na maraming tao ang nahuhulog sa kasalanang sekswal dahil hindi pinapaalala at pinagsasabihan ng simbahan ang mga tao?"

Muling naglakbay ang tingin ni Jewel sa mga letra na nandoon sa white screen. Sexual Immorality.

Never in her life that someone explained about that. Ni hindi nga niya alam kung ano 'yon.

"Immorality. Ayon sa diksyunaryo, pagiging masama, mali, unethical, marumi. Kaya kung ang salitang sexual ay itatabi sa immorality, ibig sabihin, mali at maruming gawaing sekswal.

Isa-isahin natin ang sexual immorality. kung makakaya ba nating masabi ang lahat ng kasalanang sexual.