Chapter 37.2

Bigla siyang naawa sa asawa. Alam niyang masyadong malayo ang Oslob mula sa Medellin. Siguro ilang oras din itong nakaupo sa driver seat at hindi man lang maka-stop over.

"What brought you here, Jewel?" tanong ni Gideon. Sumandal ito at humalukipkip habang prenteng nakaupo sa sofa. Pagkuwan ay nagmulat at tumitig sa kaniya.

Napakurap siya. "K-Kukunin ko na ang p-paso."

Tumango si Gideon at tinawag si Tang. "Pakikuha ng paso sa teresa, Tang."

"Sige, Sir."

Muling bumaling si Gideon sa kaniya. "Hindi ko naabisuhan si Tang na ipaghanda ka ng hapunan. I'll prepare you a dinner next time you'll visit."

Umiwas siya ng tingin at muling umupo sa one-seater sofa. "It's okay. Hindi rin naman ako magtatagal. Uh, may itatanong ako."

"Ano 'yon?"

Ngumuso siya at nangunot ang noo. "I want to know what happened during that week. And why did you... resign?"

Nanatili ang tingin niya sa ornamental plant sa sulok ng sala. Narinig niya ang buntong-hin