Destined

Athalia'sPOV

Matapos tanungin ni inay ang tungkol sa kalagayan ni Tito Adan kay Luke. Nakita ko ang bahagyang panginginig ng kamay ni Luke na nakapatong sa mesa. Hinawakan ko iyon at bahagyang pinisil, tumingin siya sa direksyon ko na may malamlam na mata. Nginitian ko siya. Huminga siya ng malalim at muling ibinalik ang tingin kina inay at itay na nakatingin samin.

"Patay na po si Dad, mga isang buwan na po."

Ang sagot na iyon ni Luke ang naging dahilan para mapatayo sina inay at itay na may nanlalaking mga mata at nakaawang ang labi. Samantala, mas hinigpitan ko lalo ang hawak sa kamay ni Luke. Napakagat-labi ako para pigilin ang luha na nais kumawala sa aking mga mata. Bumunting-hininga ako para pakalmahin ang sarili. Bakit hindi nila samin?

"Oh my god! Bakit hindi namin alam?" tanong ni inay na napasapo pa sa dibdib.

Agad namang umalalay si itay. Tiningnan ko si Luke. Kitang-kita ko ang lungkot sa kaniyang mga mata at ang isang butil ng luha na naglandas sa kaniyang mga mata na