Good News

Athalia'sPOV

Nakaramdam ako ng kaginhawaan matapos ang pag-uusap namin ni Charles. Huminga ako ng malalim at ngumiti. Iyon pala ang rason, parang kapatid lang din pala ang turing niya sakin gaya ng turing ko sa kaniya.

Huminto si Mang Ignor sa harap mansiyon ng Pamilya Sebastian, kakausapin ko si Luke para yayahin siya na maghapunan sa bahay. Namiss ko na rin siya. Bumaba ako ng sasakyan pagkatapos magpasalamat kay Mang Ignor.

"Tawagan mo nalang ako iha kapag susunduin na kita." aniya.

"Sige po." ani ko at sinuklian ng matamis na ngiti ang matanda.

Kahit may katandaan na ay malakas pa rin. Lumapit ako sa may kataasang gate at nag-doorbell. Binuksan iyon ng gwardiya. Binati nila ako na binati ko rin pabalik. Nagtuloy-tuloy na ako patungo sa pintuan. Bigla iyon bumukas at lumabas si Manang Daisy na may bitbit na basura.

"Athalia!" masiglang bati niya. Ngumiti ako sa kaniya.

"Magandang tanghali po, nandiyan po ba si Luke?" tanong ko.

"Wala, nasa farm siya iha. Gusto mo ba siyang hint