"SO, anong gagawin ko rito?" nakahalukipkip na tanong ni Jillian kay Lance na wala yatang gagawin maghapon kundi ang titigan siya. Paulit-ulit niyang sinabi sa kanyang sarili na hindi siya dapat maapektuhan sa ginagawa nito sa kanya pero parang may sariling utak ang kanyang pakiramdam. Sobra siyang naapektuhan sa titig nito kahit sa ibang direksyon naman ang kanyang tingin.
"Look at me," marahang sabi nito.
Ayaw sana niya itong tingnan pero parang napakahirap gawin noon lalo pa't nakikiusap ang boses nito. At nang tingnan niya ito ay parang gusto niyang mapasinghap dahil hindi niya akalain na nasa likod na pala siya nito halos. Hindi lang niya namalayan ang paglapit nito dahil sa mabilis nitong pagkilos. Kunsabagay, talagang magiging mabilis ang pagkilos nito dahil nakaupo ito sa swivel chair.
"Bakit ba kailangan pa kitang tingnan?" naiinis niyang tanong. Kahit tuloy gusto niyang makita ang magaganda nitong mga mata, matangos na ilong, mapupulang
AKALA ni Jillian ay tutunganga lang siya sa unang araw ng pag-i-stay niya sa Channel 26 pero alas-diez emedya ay nagpatawag ng meeting si Lance kasama ang Creative Department nito para mapagplanuhan daw ang nobela na kanyang isusulat. Game naman siya palagi basta pagsusulat kaya kahit pakiramdam niya'y binubuwisit siya ni Lance dahil wala siyang ginagawa ay ngumiti na lang siya. Ipinakita pa nga niya ritong nagiging excited siya. "Oh," bulalas niya pagpasok niya sa Conference Room. Hindi dahil sa nandoon na ang mga ka-meeting nila kundi dahil sa mga pagkain na nakahain. Buffet style iyon kaya naman biglang kumalam ang kanyang sikmura. Paano banab kasi, ang mga nakahain doon ay mga paborito niya -- kare-kare, lumpiyang shanghai, fried chicken, inihaw na isda at liempo. Mayroon pang kanin at fried rice. Ang inumin naman ay iced tea at coke. "Kumain muna tayo," wika naman ni Lance. Humakbang na ito palap
"I love you," wika ni Mark Wayne nu'ng nasa restaurant na sila. Buong tiim itong nakatingin sa kanya na para bang kinakabisado pa ang kanyang hitsura. Mabilis naman niya itong sinagot. "Mahal din kita." Ayaw niyang isipin na nagsisinungaling siya rito kaya sinalubong niya ang tingin nito. Kunsabagay, hindi naman talaga siya nagsisinungaling kapag sinasabi niyang mahal niya ito dahil talaga namang mahal niya ito. Ibang level nga lang. Ngunit, alam niyang hindi niya makakaya kapag nawala ito sa kanyang buhay dahil sanay na siyang lagi itong kasama. At sa kanila ngang pagsasama ay kabisadong-kabisado na nila talaga ang isa't isa. Hindi na nga kailangang tanungin ni Mark Wayne kung ano ba ang gusto niyang kainin kapag pumapasok sila sa restaurant dahil alam na nito kung ano ang kanyang gusto kaya hinahayaan na lang din niyang ito ang mag-order para sa kanya. "Alam mo bang sa bawat araw ay paganda ka ng paganda," wika nito. Matami
KUMUNOT ang noo ni Jillian pagkababa niya ng sasakyan, inihatid kasi siya ni Mark Wayne. Pakiramdam niya kasi ay may mga matang nagmamasid sa kanya kaya luminga-linga siya sa paligid. Nang wala naman siyang makitang nakatingin sa kanya, nagkibit na lang siya ng balikat. Malamang napa-paranoid lang siya. Ngunit, hindi niya maintindihan kung bakit ang lakas-lakas pa rin ng kabog ng kanyang dibdib. Nang magsulat siya ng paranormal ay hindi na rin naging normal ang pakiramdam niya. May mga pagkakataon kasing bigla na lamang niyang kinakabahan at sa huli'y malalaman niyang may dahilan kung bakit ganoon ang nararamdaman niya. Maaaring may mapapahamak at sa pagkakataong ito, pakiramdam niya'y siya ang mapapahamak. "Okay ka lang ba?" Hindi niya inaasahan na may magsasalita sa kanyang harapan kaya naman napatili siya. Nakayuko pa siya habang mabilis na naglalakad kaya naman bumalibag siya sa matigas na bagay. Mabuti na lang ay bago pa man siya tumals
"NICE meeting you," matabang na sabi ni Jillian sa babaeng nagpakilalang Bianca Francisco. Kahit kasi nakangiti ito sa kanya ay hindi pa rin makuhang makampante ng kanyang kalooban. Pakiwari niya kasi ay may kung anong gagawin ito. Gayunman, hindi naman siya duwag kaya kahit na matalim na matalim ang tingin nito sa kanya ngayon ay hindi rin siya nagbaba ng tingin. "Sana nga maging nice tayo palagi sa isa't isa." Nakaingos na sabi nito sa kanya tapos tinaasan pa siya ng kilay. Kumunot ang noo niya sa sinabi nito. "Bakit naman parang may pagbabanta akong naaaninag sa boses mo?" matapang niyang tanong dito Ang naglalarong ngiti sa labi ni Bianca Francisco ay biglang naglaho. Sigurado siyang hindi nito inasahan na magtatanong siya ng ganoon. Sa palagay niya kasi ay ito ang tipo ng taong palagi na ipinapadama sa iba kung gaano kalaki ang lamang nito at hindi rin naman siya ang tipo ng tao na nagpapatakot sa kung sino lalo na't wala naman siyang masaman
FEW minutes ago... Wala man ginagawang masama si Jillian, pero, bumilis ng husto ang tibok ng puso niya sanhi ng sobrang kaba. Sa talim ng tingin kanina ng babaeng nagngangalang Bianca Francisco, siguradong hindi ito papayag na makaganti sa kanya, kahit wala naman siyang ginagawang kasalanan dito. Talaga kasing naniniwala ito na isa siyang malaking banta sa relasyon nito kay Lance kahit sabihin pa niyang mayroon na siyang asawa. Sa tingin kasi niya, ang tipo nito ay yaong walang ibang pinaniniwalaan kundi ang sarili. "Jillian..." Narinig man niya ang nag-aalalang pagtawag sa kanya ni Lance, hindi niya ito agad nilingon. Hindi kasi niya alam kung ano ang dapat niyang gawin ng mga sandaling iyon. Basta ang alam niya, sobrang kaba ang kanyang nararamdaman kaya gusto niyang makaramdam ng takot. Pakiramdam niya kasi'y may panganib na darating. "Jillian...talk to me." nakikiusap na sabi sa kanya ni Lance. Kahit narini
MARAHAS na buntunghininga ang pinawalan ni Mark Wayne. Malaki ang tiwala niya kay Jillian, alam niyang hindi siya nito kailanman pagtataksilan. Kaya lang, ang pangamba sa puso niya ay hindi niya magawang palisin. Alam niya kasing minsan ay minahal nito si Lance at maaaring dumating ang oras na ma-realize nitong hindi pa rin nawawala ang pag-ibig nito sa ex-boyfriend. Minahal ka rin naman niya, sabi niya sa sarili. Nang pumasok iyon sa kanyang isipan, hindi rin niya napigilan ang mapamura ng sunud-sunod. Hindi niya napigilan ang magalit sa kanyang sarili dahil pinawalan niya ang pagkakataon na makuha lang ang pag-ibig ni Jillian ng buong-buo. Ngunit, ginawa lang niya iyon dahil gusto niyang bigyan ng pagkakataon si Jillian na makahanap ng ibang lalaki na makakapagpaligaya rito. Well, nangyari naman iyon kaya lang hindi rin nagkaroon ng happy ending si Jillian dahil natuklasan ng matalik na kaibigan na niloko lang ito ni Lance. Pinaibig nito a
DAPAT ay masiyahan si Mark Wayne dahil sa paglalambing na ginagawa sa kanya ni Jillian. Para kasing hindi ito nahihiyang ipakita sa iba kung gaano ito ka-sweet pero paano niya magagawa iyon kung sa paglingon niya ay makita niya si Lance. Sinadya lang ba ni Jillian na maglambing sa kanya dahil gusto ng asawa niyang magselos ang ex-boyfriend nito? Sinaway niya ang sariling isipin iyon. Hindi naman kasi ganoon kababaw si Jiliian saka talaga namang malambing si Jillian. Kaya nga siya na-in love ng todo rito. Walam niya kasing wala ng babae na magmamahal ng ganoon sa kanya. Saka, tiyak niyang wala ng babaeng tatanggap sa kanya ng buung-buo kundi si Jillian lang. Kahit naman alam niyang si Lance Madrigal ang mahal ni Jillian bago sila nagpakasal, masakit pa rin ang puso iyon kahit na palaging kayo ang magkasama. Gayunman, wala siyang karapatang magalit dahil sa simula pa lang ay alam na niya ang sitwasyon. Saka, hindi rin naman niya nagagawa ang katungkulan niya bila
KAHIT walang karapatan si Lance, hindi niya maiwasan ang magselos habang nakatitig siya kina Mark Wayne at Jillian. Ibig niyang hablutin si Jillian at ilayo sa asawa nito. Talagang mahal na mahal pa rin niya si Jillian. Kaya nga mas ginusto niyang ituon ang atensyon sa pagpapayaman kaysa naman ibaling sa ibang babae ang kanyang atensyon. Para sa kanya, si Jillian lang ang babae. Kaya, kung hindi lang ito ang makakasama niya sa habambuhay ay maigi pang tumanda na lang siyang binata. Kahit kasi maraming babae ang nagpupumilit na pasukin ang kanyang puso ay hindi nagtatagumpay ang mga ito. Dahil, ang pag-ibig niya ay nagawa na niyang ialay sa ibang babae. He's crazy! inis niyang sabi sa sarili. Para kasing hindi niya talaga alam ang katagang 'move on'. Paano ba naman siya magpapatuloy pa kung mga bata pa lang sila ni Jillian ay wala na siyang pinangarap na makasama hanggang sa pagtanda kundi ito lang. At nang magkaroon siya