Chapter Fifty Three

"HINDI na ba tayo mahal ni Mommy, Daddy?" 

Ang isang dahilan kaya ayaw ni Mark Wayne na umuwi sa bahay ng hindi umiinom ay dahil ayaw niyang matanong siya ni Apple ng ganito. Kahit naman kasi maglilimang taong gulang pa lang ito ay matalino na ito. Gusto sana niyang sabihin na mana ito sa kanya pero wala naman siyang amnesia para makalimutan niyang si Lance ang tunay nitong ama. 

Gayunman, sa palagay naman niya ay wala sa dugo ang pagiging ama kundi sa puso at gawa. Maaari ngang si Lance ang tunay na ama ni Apple pero mula ng ipinagbubuntis ni Jillian si Apple hanggang ngayon ay siya na ang kasama nito. Umaasa siya na kahit na anong mangyari ay iyon ang nakasaksak sa isipan nito ngunit bakit hanggang ngayon ay wala pa ito. 

Kilala niya si Jillian. Kung ayaw nito ang isang bagay ay hinding-hindi ito mapipilit. Gagawin nito ang lahat ng paraan para makatakas pero, bakit hindi nito ginawa? Marahil, dahil mahal pa rin nito si Lance. 

Nah,