Chapter 7

POV

CELESTINE

Naging maayos naman ang pag uusap nila Daddy at ng pamilya Villegas. Ngayon ko lang nalaman na si Daddy at Mr. Villegas pala ang nagmamay ari ng resort na ito. Isa kasi sa mga negosyo ng mga Villegas ay nagdedevelop ng mga lugar upang gawing resort kagaya dito.

Ang lupa at baybayin na pinagtayuan ng resort na ito ay pamana ni lolo at lola kay Daddy.

Plano ni Dad na gawing private yung resort pero ng nalaman ni Mr. Villegas ay agad itong nag offer na mag invest at gawing open for guests yung gagawing resort. At ganun na nga napagkasunduan nila Dad na e open sa public yung resort para naman magkaroon ng additional income.

Sabagay di naman pahuhuli itong resort na to sa mga sikat na beaches sa Pilipinas. Maganda ang pinong-pino nitong puting buhangin at asul na karagatan. Marami din coconut tree sa paligid dagdagan pa ng naggagandahan small cottages.

Natigil ako sa aking pag iisip nang may nagsalita sa likuran ko.

"Nandito ka lang pala Celestine. Pwedi bang habang hinihintay ko sila Mommy magkwentuhan muna tayo. I want to be your friend kasi. Someday, we are the next business partners as soon as you will take over your Dad's place in the company." mahabang salaysay nito.

"Medyo matagal pa yun William. Marami pa akong pagdadaanan bago ko maabot ang posisyon ni Daddy. Kailangan ko pang makatapos sa pag-aaral bago ko umpisahan na matutunan ang lahat tungkol sa kompanya." wika ko na may tipid na ngiti.

"Madali lang naman yun kung pursigido ka talaga. Ako nga din nung nag umpisa akong humawak ng isang negosyo ni namin. At first mahirap talaga pero habang tumatagal naging madali lang naman kasi tinutulungan ako ni Daddy na maintindihan at magawa ng tama ang lahat ng pasikot sikot sa negosyo. 5 years ago when I graduated Business Management at kung e asses ko ngayon, nakasanayan ko na din naman nag lahat. Di naman talaga perperto pero nalampasan ko rin ang mga pagsubok. Lalo na sa first year ko sa company. Pero kalaunan masasanay ka rin naman." pagkukwento nito.

"Well, siguro ganun na nga kapag nagsisimula di maiiwasan na mahihirapan. Pero kung may tutulong naman upang mapagaan yung trabaho eh di na siguro ganoon ka hirap."

Natigil lang ang aming pag uusap nang naglakad na palabas ng resto ang kanyang mga magulang. Mukhang natapos na silang mag usap ni Daddy at uuwi na siguro ang mga ito.

Nakasunod naman sila Mommy at Daddy sa mga ito kasama ni Margaux.

"Oh paano Mr. Dixon mauuna na kami. Di na siguro kami kukuha ng room kasi kailangan na naming maka uwi agad ng Manila may flight pa kami pa Hawai bukas." pagpapaalam ni Mr. Villegas.

Nagpaalam na ang mga ito at kumaway na man si William sabay pasok ng sasakyan. Nang makaalis na nag mga ito ay bumalik na kami sa aming room.

Medyo inaantok na ako, kaya pagkapasok ko sa kwarto ay kaagad akong pukasok ng banyo para maglinis ng katawan at nagbihis ng pantulog. Gustong gusto ko ng magpahinga.

Sa wakas nakahiga na at ready nang matulog. Si Margaux ay nahihimbing ng natutululog. Samantalang si Mommy at Daddy ay nadoon pa sa labas gusto daw kasi ni Mommy magpahangin muna.