CHAPTER 34

“At tungkol naman sa pagyaman ko, madali lang ang naging paraan. Mayaman ang ama namin ni Honey. And thanks to him, nakamit ko nang mas maaga ang pangarap ko,” saad ni Michael.

“Ano ba ang pangarap mo? Ang yumaman nang husto? Psh! Lame.” Binuntutan pa ni Klarisse ng tawa ang sinabi niya kay Michael.

“Sabihin na nating isa na nga iyon. But it’s not the main reason.”

“Ano naman ang main reason mo, aber?”

“Wala ka ba talagang ideya?”

Maliban sa tunog ng paghampas ng alon ay ang malakas na tibok ng puso ni Klarisse ang nararamdaman niya. Kung puwede lang matunaw ang isang tao katulad ng ice cream o ng kandila, baka kanina pa siya tunaw dahil sa mga titig nito sa kanya. Ang mga mata pa naman nito kung makatingin ay para bang siya na ang pinakamagandang babae sa balat ng lupa.

“Wala, eh,” sagot niya kahit pa may ideya na siya kung ano ang gusto nitong ipahiwatig sa kanya. “Ano ba iyon? Tell me.”

Kumilos si Michael at pumunta sa likuran niya. Doon ito pumwesto at niyakap siya mula sa li