Kabanata 6: An Act

"I-I'm sorry Miss Lewis. Please huwag kang umalis. To tell you frankly, i really need your help," utal ng binata kay Catherine na ngayon ay talagang namumula na ang pisngi dahil sa biglaang paglalapit nilang dalawa kanina.

"I-t's okay. Huwag mo na lamang uulitin pang sabihin iyon," nakaiwas ng tingin na sagot ni Catherine kay Zaad.

"Okay and again I'm sorry. Please just let's get this agreement done."

Tumango lamang siya sa sinabi nito at halos mapasinghap pa siya nang walang pasabi na naman siya nitong hinawakan sa kanyang palapulsuhan at hinila papalabas ng silid na iyon.

"Teka saan ba tayo pupunta?" nalilitong tanong niya dito.

Sobrang laki ng bawat hakbang nito na kinakailangan pa niyang tumakbo para laang makasunod siya dito. Nakita niya na lumipat lang pala sila nang silid at halos magulantang siya nang makita niya ang napakaeleganteng damit pang kasal na naroroon.

Kumikinang nga ito dahil sa purong mamahaling mga maliliit na diyamante na palamuti nito.

"Welcome back Sir and we are glad to serve you again," nakayukong bati ng sabay-sabay ng mga staffs kay Zaad.

Isang tango lang ang itinugon ni Zaad sa mga ito bago siya nito nakangiting nilingon.

"Pwede bang ayusan niyo na ang bride ko ngayon and I want you all to make her the very most beautiful woman in this evening," ngiti ni Zaad kay Catherine na ikinatulos naman ng dalaga sa kanyang kinatatayuan.

"Talaga bang kinakailangan pa ito? Pwepwede namang pumirma na lamang tayo agad sa kontrata diba?" mahinang bulong ni Catherine kay Zaad habang nakangiti sa mga staff na nasa kanilang harapan.

"This is part of the plan Miss Lewis. Just stick to it and go with the flow will you?" mahina at bruskong bulong din ng binata sa kanya.

Kunot noo niya itong nilingon at nakita niya na nakangiti lang pala ito sa kanya.

'Ang sarap bigwasan ng napakagwapong mukha nito!' sigaw nang isipan niya at nagulat na naman siya nang nagsilapitan ang mga babaeng staffs sa kanya.

Nalilitong nilingon niya ang binatang kasama niya at ganoon na lamang ang gulat niya nang makitang wala na ito sa kinatatayuan nito kanina.

'Asan na iyon?' tanong ng isipan niya na mukha yatang nabasa ng isa sa mga babaeng humihila sa kanya.

"Inaasikaso na po ng mga kasamahan namin ang fiancee niyo Ma'am. Halina't sumunod na rin po kayo sa amin at nang maayusan na po namin kayo," bigkas nito na ikinatahimik niya.

"O-okay," pakli niya at nagpatianod sa babaeng humihila sa kanya.

Ipinasok siya ng mga ito sa isang makeup room at halos manghang mangha na naman siya sa mga mamahaling makeups na nakahilera ngayon sa kanyang harapan. Sinimulan na rin siyang pagandahin ng mga ito.

May nakatoka sa buhok niya at iba naman sa kanyang mukha, kamay at mga paa.

'Ang galing naman nito at nakapagmakeover na siya nang libre,' natutuwang isip niya at inenjoy na lamang ang kanyang sarili sa mga nangyayari.

Habang nakatitig sa malaking salamin na nasa kanyang harapan ay hindi niya maiwasang mapaisip kung gaano nga ba talaga kayaman ang lalaking nag-alok sa kanya nito.

Ang inaakala niyang blind date ay iba pala ang mangyayari. Dinala siya sa isang nangungunang pinakasikat na hotel at pinakain pa siya nito sa isang napakaengrande at napakapribadong silid. At ngayon ay inaayusan naman siya para maisuot ang napakagandang damit pang kasal na iyon kanina.

Sigurado talaga siya na hindi lang ito basta bastang tao lamang. Sa uri pa lamang nang suot nitong relo kanina ay alam na niya kung magkano ang halaga non. Tumatakbo ito sa tumataginting na halagang 800 thousand pesos.

'Ano kaya talaga ang binabalak ng lalaking iyon at talagang mukhang pinaghandaan pa niya ito nang husto.' naguguluhan isip niya.

"Wow! Ang ganda ganda niyo po talaga Ma'am. Talagang bagay na bagay po kayo ni Sir Borris," nakangiting sabi ng isa sa mga babaeng staffs sa kanya nang matapos na siya nitong ayusan.

"S-salamat," simpleng sagot niya dito at tinitigan ang kanyang repleksyon sa salamin.

Alam naman niya sa sarili niya na talagang napakaganda niya. Ngunit ang mabihisan ngayon nang ganito ka elegante gamit ang mga mamahaling makeup at mga accessory ay talagang kakaiba sa paningin at pakiramdam.

Napabaling siya ng tingin nang bumukas ang pintuan at pumasok mula doon ang dalawang mga staffs na babae na tulak tulak ang kanyang susuoting napakagandang damit.

Tinulungan siya ng mga ito na maisuot niya iyon at nang matapos na siya sa pagsuot ng napakagandang sandal rin nito ay halos mapanganga ang tatlong staffs sa kanya.

"Wow,Ma'am. Ang ganda niyo po." Staff 1.

"Talaga pong bagay na bagay po sa inyo ang damit na ito Ma'am." Staff 3.

"Ang galing talaga nang pagkakapili ni Mr. Borris sa damit na ito. Para lang kasing ginawa ang damit na ito para lang sa inyo Ma'am," puri ng ikatlong staffs na babae sa kanya.

Halos maging siya ay humanga rin sa ayos niya ngayon. Ni hindi niya kasi talaga inisip na makakasuot siya nang ganitong klase ng damit sa buong buhay niya.

May kumatok sa pintuan at halos sabay pa silang apat na napalingon doon. Bumukas ito at sumilip mula roon ang isa pang staff na babae.

"Sorry for interrupting Ma'am, pero naghihintay na po si Mr. Borris sa inyo," anas nito sa kanya na agad na ikinakilos ng mga kasamahan niyang mga staffs dito sa loob ng silid.

'Tss! Napakaaburiduhing tao naman talaga ng lalaking iyon. Kitang nagmomoment pa nga ako rito sa suot ko!' sigaw ng isipan niya.

Isang ngiti ang iginawad niya sa mismong babaeng staff na naghihintay sa kanya.

"Oo, lalabas na," ngiting pakli niya at nagsimula nang maglakad papalabas ng silid.

Agad naman siyang inalalayan ng mga babaeng staffs na kassama niya.

Unang apak niya pa lang pagkalabas ay agad niyang nakita ang pigura ng lalaking kinaiinisan na niya ngayon.

Nakasuot rin ito ng isang puting tuxedo na talaga namang bumagay dito. Idagdag mo pa na talagang mas gumwapo pa ito sa mga paningin niya na halos magslowmo na ang paligid niya habang katitigan ito.

Kitang kita niya kung papaano pumasada ng tingin ang humahanga nitong mga mata sa kanya. At kung hindi niya pa ito nakilala kanina na masungit at may pagkabastos ito ay iisipin niya talagang na love at first sight na ito sa kanya. Pero alam niyang hindi mangyayari iyon dahil sa kilala na niya ang tunay nitong ugali.

Napakasungit nito at napakatalas pa ng dila kung magsalita.