Kabanata 2: The Huge Debt

3 DAYS EARLIER..

"God! Ano na ang dapat na gagawin natin Romulo? Lubog na sa utang ang kompanya at maraming nang mga share holders ang nagbaback out. Hindi ko na alam kung ano ba ang tamang gagawin natin."

Iyon ang mga salitang nabungaran niya mula sa kanyang ina nang makauwi siya galing sa paggala kasama ang kanyang mga kaibigan. Kumunot ang noo ni Catherine at dahan dahan siyang lumapit sa ina niyang umiiyak na ngayon.

"Mom? What's happening? At ano po iyong mga narinig ko kanina? Tama ba ang dinig ko na nalulugi na ang ating kompanya?" sabay lapag niya sa pouch bag na dala sa mesa at kaagad na inalo ang ina na umiiyak pa rin.

"Dad?" sabay tingin niya sa kanyang ama na si Romulo Lewis.

Hindi sumagot ang kanyang ama at sa halip ay muli siyang napabaling ng tingin sa kanyang ina na si Cassandra nang maramdaman niya ang mahigpit na paghawak nito sa kanya.

"Y-your dad have a huge debt, Catherine. At hindi ko na alam ang gagawin ko. Anumang oras ay pwede nang maisara ang kompanya natin dahil sa sobrang laki nang utang niya sa casino," umiiyak na sumbong ng kanyang ina sa kanya.

"WHAT?!!!" malakas at gulat niyang pakli tsaka nilingon ang kanyang ama gamit ang nagtatanong niyang mga mata.

"H-hindi ko naman sinasadya anak. Maliit lang naman iyon ngunit lumaki lang nang dahil sa tubo at interest. Ang akala ko ay kaya ko pang bayaran kaya umutang pa ako sa iba kong mga kakilala. Hindi ko naman aakalain na mauubos lahat," pag-amin ng kanyang ama sa kanya.

Nanghihina siyang napaupo sa tabi nang kanyang ina na tila ba pinoproseso pa niya ang kanyang mga narinig mula sa kanyang mga magulang.

"Patawarin mo ako Cassandra. Patawarin mo ako anak," umiiyak na anas pa nang kanyang ama sa kanilang dalawa ng ina niya.

"I can't be poor Romulo! Alam mo naman na sa iyo ipinagkatiwala ni Papa ang kompanya pero anong ginawa mo? Heto at nilustay mo ang lahat ng mga pinaghirapan ng pamilya ko!" sigaw ng kanyang ina sa kanyang ama.

Her mother is part of the socialites world. Napakayaman nang pamilyang pinagmulan ng kanyang ina. Ngunit kahit sakabila ng mga yaman nito ay mas pinili pa rin nitong magpakasal sa napakasimple niyang ama na nagkataon naman na secretary ng ama nito. Sa madaling salita ay isa lamang ang kanyang ama sa mga pinagkakatiwalaang trabahante ng lolo niya noon. Ngunit nang mamatay ang lolo niya ay isinalin at ipinagkatiwala nito ang kompanya sa kanyang amang si Romulo sapagkat ito nga ang asawa ng nag-iisa nitong anak na babae. Kaya ganito na lamang ang paghihinagpis ng kanyang ina sa kaisipan na maghihirap na silang magpapamilya.

"S-siguro ay may paraan pa naman po diba? Mom, Dad. Mag-isip po tayo nang paraan para maisalba natin ang kompanya natin," bigkas niya sa dalawang mga magulang na halos sabay namang napatingin sa kanya.

"Anong paraan pa ang maaari nating magagawa hija? Sobrang laki ng utang natin at halos lahat ng mga share holders ay pawang umaatras na. Saan tayo makakakuha nang ganoong klase ng halaga para lang maibalik sa dati ang estado ng negosyo natin?" iyak ng kanyang ina sa kanya.

"May paraan pa," biglaang sabi ng kanyang ama na siyang ikinalingon nilang dalawa ng kanyang ina.

"May paraan pa? Ano iyon Dad?"

"May kakilala ako sa casino na naghahanap nang maaari niyang maibliblind date na babae. Malaki ang bayad niya anak kaya gawin mo."

Halos sabay na nalaglag ang panga niya at ng kanyang ina sa naging suhestiyon ng kanyang ama sa kanya.

"W-what? G-gusto niyo pong..ma..makipagblind date ako? Seryoso ba kayo diyan sa mga sinasabi niyo dad?" hindi makapaniwala niyang tanong sa kanyang ama.

"O-oo! Alam mo ba kung gaano kalaki ang ibinabayad sa mga babaeng nag-eescort sa casino? At kapag natuwa sa iyo ang kablind date mo ay mas malaki pa ang tsansa na malaki rin ang ibibigay nila sa iyo-"

*PAK!!*

Natuptop niya ang kanyang bibig sa sobrang gulat nang malakas na simapal ng kanyang ina ang kanyang amang si Romulo.

"Ang kapal nang mukha mo na iutos at sabihin sa mismong anak mo ang mga bagay na iyan Romulo!" singhal ng kanyang ina sa ama niya na hanggang ngayon ay nakatabingi pa rin ang ulo.

"Ikaw ang puno't dulo nang lahat nang problema nating ito at ngayon ay gusto mo na ang anak mo ang gumawa nang paraan? Ganyan ka na ba talaga ka walang silbing ama para sa kanya! Gusto mong gawing p****k ang anak natin nang dahil lang sa pera!" galit na sigaw ng kanyang ina na agad naman niyang pinigilan.

"Mom, please huminahon po kayo. Wala pong mabuting idudulot ang pagsigaw at pananakit natin sa isa't isa. Hindi po natin mareresolba ang problema kung ganito po tayong tatlo," alo niya sa kanyang ina.

"Gusto niyo nang paraan hindi ba? Iyon ang mas mainam na paraan na nakikita ko! Maliban na lamang kung mas nanaisin niyong dalawa na matulog sa kalye at mamulubi."

"A-anong ibig mong sabihin Dad?"

"Makukulong ako Catherine! Makukulong ako dahil sa laki nang utang ko. Alam ko naman na kasalanan ko ang lahat ng ito at inaamin ko iyon pero ayaw kong maiwan ko kayong dalawa dito sa labas na namumulubi habang ako ay nasa loob ng rehas. Hindi ko kakayanin anak. Hindi," umiiyak nang anas ng kanyang ama sa kanya.

"Napaka walang hiya mo!" sigaw ulit nang kanyang ina at sa pagkakataon na ito ay sinuntok suntok na nito ang kanyang ama.

Hindi niya na alam ang gagawin niya idagdag mo pa ang nangyayaring pagtatalo ngayon ng kanyang mga magulang. Hindi siya makapaniwala na sa lahat ng mga nangyayari. Dahil kanina lamang ay sobrang ayos pa nang mundo niya at ngayon ay biglaang ganito na ang nangyayari.

Humugot siya nang isang malalim na hininga bago siya determinadong nagsalita.

"I-I will do it."

Natigil ang mga magulang niya sa pagtatalo at gulat na sabay na napatingin sa kanya.

"Anong sinabi mo hija?" Hindi makapaniwalang tanong ng kanyang ina sa kanya.

"I will do it mom. Gagawin ko na po iyong blind date na sinasabi ni Daddy kanina," matatag na anas niya na ikinalaglag ng panga ng kanyang ina sa kanya.