5. HER SAVIOR

Caroline’s POV

“Bakit niya ba pinadala sa akin ito?”

Nakatitig ako sa box ng dress at sapatos na ipinadala ni Raegan. Ano ito? Pagkatapos ng lahat ng nangyari gusto niyang sabay kaming magpunta sa investor’s party nila? Na para bang hindi niya binastos ang pamilya ko nung nakaraan?

Hay! Ang hirap maging sunud-sunuran sa kanya!

Pagdating ko sa venue ay puno na ng paparazzi ang paligid. Panay ang tawag at text ko kay Raegan pero hindi siya sumasagot.

I decided na lumabas na lang ng sasakyan at maghintay sa gilid. Pagbaba ko ay kaagad akong tinutukan ng mga camera. Mabuti na lang at may mga barricade kaya hindi sila makalapit sa akin.

“Miss Caroline, totoo po ba na ikakasal na kayo ng tagapagmana ng mga Del Fierro?”

“Gaano po katotoo na inagaw mo ang boyfriend ng dating bestfriend mo?”

“A-ano? Bestfriend ko?” bulong ko sa sarili. Ano bang pinagsasasabi nila?

Mabuti na lang ay dumating na ang sunod na sasakyan kaya natuon ang atensyon nila doon. Muli kong tinawagan si Raegan pero panay ring lang ang cellphone niya at walang sumasagot.

Nang bumaling ang tingin ko sa kotseng kadarating lang ay doon ko nakita ang fiance’ ko. Nakatayo habang hawak ang kamay ni… Rhea. Inalalayan niya itong makababa sa sasakyan at sabay nilang hinarap ang madla.

Si Rhea? Siya ba ang tinutukoy nila na dati kong bestfriend na inagawan ko?

“Wow! She looks stunning in her red dress!”

“Bagay na bagay sila ni Sir Raegan!”

“Miss Rhea! Ano pong masasabi niyo sa kumakalat ngayon sa social media na pag-agaw ni Miss Caroline sa boyfriend ninyo?”

Ang kaninang ngiti sa mukha ni Rhea ay napalitan ng lungkot. Humarap siya kay Raegan na parang naiiyak.

“Sabi ko naman sa ‘yo hindi dapat ako ang kasama mo rito. Hintayin mo na lang ang fiancee’ mo.”

Umiling si Raegan at hinawakan ang kamay niya, “No, babe. Sabay tayong papasok dito. Alam mo naman na ikaw lang ang importante sa akin hindi ba?”

Hindi ako makapaniwala sa mga nakikita ko. Kung may taong mahilig mang-agaw sa aming dalawa, siya iyon!

“Miss Caroline! Mukhang naiiyak na po si Miss Rhea, hindi po ba kayo nakokonsensya?”

Nalaglag ang panga ko nang biglang bumaling sa akin ang isang reporter at sabihin iyon ng napakalakas. Nagsitinginan tuloy silang lahat sa akin!

“I.. A-aahh…” Anong isasagot ko?!

“Babe, nandito na pala ang fiance’ mo, mukhang hinihintay ka niya. Sige na, mauuna na akong pumasok.”

Hanggang ngayon, pa-victim pa rin ang Rhea na ito!

“No! Sabay tayong maglalakad papasok.” Bumaling si Raegan sa akin, “Caroline! Ano bang itinat*nga mo dyan? Hinihintay mo ako? Sa tingin mo ba talaga ikaw ang sasamahan ko papasok ng event hall? Tsk! Hindi ka na nahiya!”

Hindi ako makapaniwala, napakakapal ng mukha nila! Akmang sasagot na ako nang biglang may umakbay sa akin.

“I’m sorry for making you wait, shall we?” Magandang ngiti ni Tobias ang bumungad sa akin.

Ang puso ko, napakabilis ng tibok!

“Uncle? Y-You’re with her?” hindi makapaniwalang tanong ni Raegan.

Pati si Rhea ay nanlalaki na ang mga mata.

“Why? You got a problem?”

Napailing si Raegan. Wala silang nagawa kung hindi tumabi sa gilid nang alalayan ako ni Sir Tobias at sabay kaming naglakad sa red carpet. Inoffer niya pa ang braso niya sa akin at nakangiti naman akong umangkla roon.

Sa pagkakataong ito ay sa amin natuon ang atensyon hindi lamang ng mga paparazzi kung hindi pati na ng iba pang mga bisita.

“Anong nangyayari? This is the first time na may nakitang babaeng isinama si Sir Tobias sa red carpet!”

“Indeed, he usually goes alone. Pero ngayon he has a muse, at ang fiance’ pa talaga ng pamangkin niya. What is going on?!”

Parang mga bubuyog na nagbubulong-bulungan ang mga tao.

“Sir, thank you,” bulong ko sa kanya.

“Don’t call me Sir. Gusto ko iyong pangalang ibinigay mo sa akin kagabi.”

Taka akong nag-angat ng tingin sa kanya at sinalubong naman niya iyon, “T-Toby?”

I was mesmerized when he smiled at me again. Bigla ring lumakas ang mga flash ng camera nang tagpong iyon. Nakangiti siya habang magkatinginan kami. Sa mga hindi nakakaalam ng sitwasyon naming dalawa ngayon ay aakalain talaga na kami ang ikakasal.

Ang weirdo niya. Minsan masungit, minsan palabiro, pero I'm grateful na lagi siyang nandyan para saluhin ako.

Sinamahan niya ako buong gabi. Pero sina Raegan at Rhea ay parang mga agila na nakaabang at naghihintay ng pagkakataon para daigitin ako. Nang may kausaping investor si Toby ay sabay silang lumapit sa akin.

“Napakaharot mo naman Caroline, ikakasal ka na kay Raegan pero inaakit mo pa yung Tito niya!”

“Umpisa pa lang alam ko na pera lang ang habol niya sa amin, pero ngayon mukhang tumaas ang pangarap niya at Tito ko naman ang gusto nyang akitin.”

“Ako pa talaga?! Eh anong tawag sa ginag—” Biglang sumabat si Rhea.

“Totoo naman ah? Wala kang karapatan magmataas sa harap ng isang Del Fierro, Caroline! Kaya ‘wag kang sumagot-sagot dyan! Kung hindi dahil sa mana, hindi ka papatulan ni Raegan. Akala mo ba gusto ka niyang pakasalan? Napipilitan lang siya!”

I smiled bitterly at saka ako tumango, “Ngayon naiintindihan ko na ang lahat. Kaya pala! Bakit? Sa tingin mo ba gusto kong magpakasal sa isang arogante at egoman*ac na katulad mo?!” baling ko kay Raegan.

“Nababaliw ka na ba?!” singhal ni Rhea.

“Oo! Nasisiraan na ako ng bait! Pero mas mababaliw ako kapag pinakasalan ko ang lalakeng ito! Napakasama ng ugali mo, kampon ka ni Sat*nas!” Napasinghap ang lahat dahil sa sinabi ko.

“Hah! Ang lakas ng loob mo! Kailangan niyo ang pamilya namin, anong sasabihin ng mga magulang mo kapag nalaman nila ito?”

Napatingin ako sa gawi nila Dad na papunta na sa pwesto namin, “I’m sorry Dad, I can’t do this. I’m backing out.”

“No, Caroline! You can’t!” Bumaling si Dad kay Raegan, “I’m really really sorry about this, hayaan niyo at didisiplinahin ko ang anak ko.”

“Dapat lang, nakakalimutan niya yata kung saan dapat ang lugar niya!” Pinagduduro niya pati si Dad.

“Dad, I don’t want to!” Nagsimulang tumulo ang mga luha ko.

“Caroline anak, alam mo naman na kailangan natin ito. Go apologize to Raegan, please anak,” pagmamakaawa ni Mama.

“Hahaha! Nasaan ang tapang mo ngayon? Halika rito sa harap ko. Lumuhod ka at magmakaawa!” Nakangisi silang pareho na parang mga demonyo.

“Mom, Dad please don’t make me.”

I’m begging my parents but they both pushed me to apologize.

“See? You’re nothing without Raegan,” mayabang na sabi ni Rhea.

“I am your only chance. Sa tingin mo ba may t*ngang lalake pa na isasalba ka at pakakasalan? Kahit lumuha ka ng dugo, ako at ako lang ang pag-asa mo!”

I was defeated. Under everyone’s gaze, unti-unti akong lumapit kay Raegan. Basa ng luha ang mukha ko at halos hindi na makahinga dahil sa sama ng loob. Luluhod na sana ako nang may humawak sa braso ko at inalalayan akong tumayo.

“Ako. Ako ang t*ngang lalake na handa siyang isalba at pakasalan.” Hinila niya ako at niyapos, “Are you okay?”

“T-Toby…”