Chapter 42

Inihinto na ni Zander ang minamaneho n’yang motor sa tapat ng kanilang bahay. Alas-sais pa lang noon ng umaga at wala pang gaanong tao sa paligid. Tahimik ang kalsada at dama ang malamig na simoy ng hangin.

"Ella?" mahinang tanong nito sa dalaga, ngunit hindi sumagot si Ella. Kaya naman pilit na lumingon ni Zander upang tignan ang lagay ng dalaga. Pagkalingon nito, nakita n'yang mahimbing na natutulog si Ella sa kanyang likuran.

Nakatulog pala s'ya sa byahe, akala ko sadyang mahigpit lang ang yakap ni Miss Tan sa bewang ko.

Itinukod ni Zander ang stand ng motor at saka binaling ang kanyang katawan upang mayakap ang natutulog na si Ella.

"Ella," ani ni Zander at tinapik bahagya ang balikat ng dalaga.

Naalimpungatan si Ella at pagmulat n'ya ay nakita n'yang nasa tapat na sila ng bahay nina Zander. Naramdaman nito ang mainit na bisig ng binata na nakayakap sa kanya. Kumibo ito ng kaunti at kumalas sa pagkakayakap sa binata. Bumaba na si Zander sa motor upang humarap kay Ella.

"Nandito na