Chapter Seven (Part two)

Malaki ang pasasalamat ni Celeste dahil kahit nakagawa ito ng kasalanan sa matalik niyang kaibigan ay pinatawad niya pa rin ito at kusa pa itong tutulong upang makausap ang mga magulang nila.

Hinintay na magising nina Celeste ang mga anak. Dahil din sa pagod ay nakatulog din ang dalaga.

Binuhat ito ni Nizar at marahang inihiga sa pahabang sofa.

Nagising si Celeste sa ingay ng kanyang mga anak. Napangiti ito nang marinig na naglalaro sila ng jack ‘n poy.

Napansin ni Pegasus na gising na ang ina nito kaya mabilis niyang nilapitan si Celeste.

“Mom! Ang tagal niyo naman pong magising!” wika nito at hinalikan sa pisngi ang ina.

Sunod-sunod ding lumapit sina Cygnus at Perseus.

“Nag-suggest nga kami na i-kiss ka ni Dad sa lips para magising ka. Hindi ba ganoon ang ginawa ng prince charming ni Sleeping beauty sa kanya?” inosente namang tanong ni Cygnus sa ina nito.

Namula ang mukha ni Celeste dahil sa pinagsasabi ng mga anak.

She cleared her throat, dahil parang may nakabara rito. Hindi nga ni