Chapter Sixteen

Madilim ang mukha ni Nizar habang nagmamaneho. Bakas naman ang takot sa mga mata ni Celeste para sa binata. Nagagalit lang ito kapag nakikita siyang kasama si Yasir. Napakapit ng mahigpit si Celeste sa kotse dahil sa bilis ng pagpapatakbo ni Nizar.

“Nizar! Slow down!” malakas na saway ni Celeste sa binata. Ngunit para itong bingi at hindi man lang pinakinggan ang dalaga. Dahil sa takot na bumalot sa puso ni Celeste ay napahagulgol na lang ito ng iyak.

Napabaling si Nizar kay Celeste nang marinig ang pag-iyak ng dalaga. Nang ma-realize ang kanyang ginawa ay nagmenor ang binata at iginilid ang sasakyan nito.

Mabilis na kinalas ni Nizar ang kanyang seatbelt at niyakap ang dalaga.

“Hush now, I'm sorry if I scared you,” masuyo na nitong pahayag sa dalaga. Hinalik-halikan niya ang ulo ng dalaga na panay pa rin ang iyak.

Ilang sandali pa ay tumahan na si Celeste.

“Bakit ka ba nagagalit? Huh?” parang bata na tanong ng dalaga sa binata.

“I’m jealous! Can't you see?” bumalik ang inis sa boses n