Chapter 30 Ang Pagbabago ni Yvette

WOW, iyon ang katagang inaasahan na maririnig ni Yvette kay Liam pero iba ang ibinulalas nito, "Bakit ganyan ang suot mo?" matabang nitong tanong.

Kahit na parang dinukot ang puso niya sa loob ng kanyang rib cage, nakuha pa rin niya itong ngitian. "Nakakasawa na kasi ang Miss Minchin looks ko. Gusto ko naman mag-iba na tutal naman…"

"Nagkita na kayo ng ex-boyfriend mong tukmol?" Badtrip nitong tanong. Kita niya kasi sa mukha nito ang inis.

Sa isang sandali ay gusto sana niyang isipin na nagseselos ito pero ipinilig niya ang kanyang ulo, ayaw na niya kasing umasa. Hindi pa rin kasi mawala sa isip niya ang ginawa nito kagabi.

Kahit kasi nakapaligo na siya at mabangung-mabango na siya ay hindi siya nito pinansin kahit pareho na silang nakahiga sa kama. Ang sabi lang nito ay pagod ito. Ayaw niyang paniwalaan iyon dahil noon namang nakaraang linggo, kahit napapagod ito ay hindi pa rin nawawalan ng oras sa kanya. Panay pa ang bulong nito kung gaano siya kaganda at kabango.

"Kung minsan