Chapter 47 Ang Pagpapakasal nina Liam at Yvette

SHUCKS, wika ni Yvette. Hanggang ngayon ay hindi pa rin siya makapaniwala na nasa simbahan na siya at naglalakad papunta sa may altar. Siyempre, kasabay niyang naglalakad ang kanyang ama tulad ng pangarap nito. Ang maihatid siya kay Liam, sa lalaking gusto nitong makatuluyan niya.

Nang tanungin siya ni Liam ng, Will you marry me again? Agad siyang sumagot ng 'yes'. Siyempre, hindi na siya nagpatumpik-tumpik pa dahil talagang gusto rin niyang pakasalan ulit si Liam.

"Why?" Naalala din niyang tanong ni Liam.

"Kasi mahal kita," walang pag-aalinlangan niyang sabi. Iyon naman kasi talaga ang nararamdaman niya kay Liam. So, wala ng dahilan para magkunwari pa siya.

"Mahal mo ako?" Naniniguradong tanong nito.

"Oo nga," mariin niyang sabi dito.

"Mahal din kita."

"Mahal mo ako?" Hindi makapaniwala niyang tanong.

"Yayayain ba kita ng kasal kung hindi kita mahal?" Sarkastikong tanong nito sa kanya.

Ayaw na niyang manghingi pa ng paliwanag kay Liam kung bakit siya nito mahal. Ang mahalag