Chapter 19

SAGA

NAGMAMADALI akong pumasok sa loob ng coffee shop at naupo sa harap ng mesa kung saan nagkakape si River.

"He's here."

Nagsalubong ang mga kilay niya. "Who's here?"

"My husband. He's outside."

Matagal siyang natigilan bago tumayo at palihim na sumilip sa labas. Pagkabalik niya sa mesa ay hindi na ako mapakali.

"Hindi ko maintindihan. Bakit nagpunta pa siya rito? At bakit siya ganoon? Galit na galit siya."

"Galit?"

Ilang ulit akong tumango. "Yeah! He wanted me to go home. Bakit kaya?"

"Baka nami-miss ka?"

Matagal akong natigilan sa sinabi ni River. Si Marlon? Nami-miss ako?

"Hindi, imposible, e!"

Talagang imposible!

"Hindi ganoon si Marlon. Mas malaki pa ang pride no'n kaysa sa puso niya. Baka nagagalit lang dahil hindi na niya ako nakikitang nahihirapan? Nalilito ako."

Matagal akong tinitigan ni River habang parang nag-iisip siya. Muli pa siyang tumingin sa labas.

"I must say, your husband is quite handsome. Kaya naman pala babaero."

Wala sa sariling napangiti ako. Nagmamalaki pa