Kabanata 11: Promises

Tanging ingay lamang na nagmumula sa aircon at tunog ng pagtitipa sa laptop ang namamayani sa may sala. Pagkatapos ko ayusin ang iba pa na gawain at naglakad ako patungo kay Lucas, na kung hindi sa screen ng kaniyang laptop nakatingin ay sa kaniyang cellphone naman.

"Ahm, honey..."

"Hm?"

"Mayroon nga pala ako sasabihin sa iyo," mahina na pagsisimula ko. Hindi ko lang maiwasan na kabahan dahil madalas ay ayaw niya na nagpupunta ako sa malayo na lugar ng hindi siya kasama.

"Ano ba 'yon, Dianna?" Tumayo ako sa bandang likuran niya at saka siya minasahe.

"Sa Monday kasi ay may lakad kami ni Chelsea. Birthday ni lola Epang, ayos lang ba kung sumama ako? Kasama rin naman namin iyong pinsan niya na..." Bigla akong nag-alinlangan. Naisip ko na baka magalit siya kapag nalaman niyang may kasama kami na lalaki.

"Then go, kasama mo naman si Chelsea." Ngumiti ako at tumabi na sa kaniya.

"Talaga? Pumapayag ka kahit hindi mo ako masasamahan?" Napatingin siya sa akin, at kumawala ang mahina ngunit