Chapter 19. Magpinsang Doyle

"Hyder, gusto kong magpasalamat sa lahat ng kabutihang nagawa mo para sa akin. Kahit sa sandaling panahon lang tayong nagkasama sa isang bubong, naging masaya ako sa piling mo.

Masaya akong nagagawa ko ang obligasyon ko bilang asawa para sa iyo. Naisip ko na sana mayroon man lang kahit na isang araw na minahal mo ako.

Pasensya ka na kung naging makasarili ako at naging makulit ako. Huwag kang mag-alala kailanman ay hindi ako nagtanim ng galit sa iyo. Deserve ko na naman ang pagtrato mo sa akin.

Napag-isip isip ko na palayain ka na.

Deserve ninyo ni Alexa na maging masaya kaya subukan mo ulit na ayusin ang relasyon nyo.

Alam kong may isang tao na nakalaan din para sa akin. Isang taong magpapasaya sa akin at mahalin din ako.

Sa mga oras na mabasa mo ito baka nasa malayo na ako. Ingatan mo sana ang sarili mo.

Mahal na mahal kita Hyder. Hanggang sa muli.-Jih"

Isang buntong hininga ang pinakawalan ko at ang mga mata ko ay nalulunod na sa luha. Hindi mawari ng isipan ko na nakapagdesisyon