Sandali siyang tinitigan ng dalaga. Kitang-kita rin niya kung paano nanlisik ang mga mata nito bago muling humakbang para sundan ang kanyang ina.
"Ma!"
Kaagad siyang sumunod kay Amber at hinawakan ang kamay nito upang pigilan.
"Amber! Huwag mo na siyang sundan, please lang, baka saktan ka lang niya ulit."
Marahas naman nitong tinanggal ang kamay niyang nakahawak sa kanya.
"Utang na loob, Indigo! Pwede bang pabayaan mo ako!"
Muli itong humakbang pero mabilis niya itong hinarangan sa daraanan niya.
"Amber, I am just concern to you."
Itinulak siya nito sa kanyang dibdib pero hindi naman niya ininda iyon.
"Kung totoong concern ka, hayaan mo akong sundan si mama. At please lang, huwag ka ring sumunod. Hayaan mong makausap ko ang magulang ko."
Marahas niya itong binangga sa balikat at saka siya nilampasan.
Napabuntong-hininga na lang niyang sinundan ang babae.
"Pero hindi ko naman makakayang pabayaan ka na lang, Amber. Baka saktan ka nila."
Muli siyang nilingon ng babae.
"Sarili ko silang pamilya, hindi nila ako sasaktan."
"Pero--"
"Kailangan ko silang kausapin, Indigo. Pabayaan mo na lang ako please."
Napabuga na lang siya ng hangin.
"Alright! Pero hayaan mo sanang samahan ka ng isa sa driver."
Nagdesisyon na lang siyang hayaan ito at baka lalo lang tumindi ang galit nito sa kanya.
Hindi naman umimik ang babae. Nagputuloy lang ito sa paglabas ng bahay. Nang tuluyang makalabas ng pinto ng mansiyon ang babae ay sinenyasan na lang niya ang tauhan niyang sundan ito.
Nakita niyang sandaling nag-usap ang dalawa.
Nakahinga siya ng maluwag nang makita niyang sumakay si Amber sa itim na Porsche na minaneho ng tauhan niya.
Labis man siyang nag-aalala ay pilit na lang niyang kinampante ang sarili at itinatak sa isip na hindi ito papabayaan ng kanyang tauhan.
Ilang sandali pa siyang nanatili sa malaking pintuan at pinanood ang paglayo ng sasakyan. Nang tuluyan na itong mawala sa paningin niya ay naisipan niyang pumunta sa silid na inuukopa ni Amber.
Parang hinaplos ang puso niya nang makita ang cute na cute na batang natutulog.
Sa totoo lang, kanina pa niya gustong yakapin ang bata.
Hindi niya inakalang makakabuo sila mula sa palihim na artificial insemination na isinagawa noon sa babae.
Napaisip tuloy siya kung iyon ba ang dahilan kung bakit galit na galit sa kanya si Amber.
Kung nalaman lang niya ng mas maaga, noon pa sana niya pinairal ang dahas para lang makuha ito.
Kung mas maaga lang niyang nalaman, nagawa sana niyang alagaan ito habang nagdadalang-tao. Nasaksihan sana niya ang paglaki ng kanilang anak.
Tila bumalik siya sa reyalidad nang mapansin niya ang paggalaw ng batang natutulog sa kama. Sa pag-iisip niya ay hindi niya namalayan ang paglipas ng oras.
Maya-maya ay nagkusot ito ng mata. Kitang-kita niya ang pagnguso nito kasabay ng paglibot ng kanyang paningin sa paligid. Hanggang sa madako ang tingin nito sa kanya.
"Hi, kiddo." Pinilit niyang nginitian ito.
Lalo naman itong bumusangot.
"Ikaw 'yong bad guy."
"I'm not bad, kiddo. Ako ang daddy mo."
Pinanliitan niya ito ng mata.
"Bakit mo kami kinuha ng mama ko?"
"Kasi love ko kayo."
Ilang sandali siyang tinitigan ng bata na parang sinusuri ang mukha nito.
"We have same color of eyes."
"Kasi nga daddy mo ako."
Tumayo ito sa kama at humalukipkip. Nagsalubong din ang dalawang kilay nito.
"Mayaman ka po ba?"
"Yes." Marahan siyang tumango kahit nagulat siya sa tanong ng bata.
"Kaya mo akong bilhan ng maraming toys?"
"Siyempre naman. Name what you want then I will give it."
Pinamaywangan siya nito at saka pinakatitigang mabuti.
"Rich ka ba talaga? Baka ginogoyo mo ako?"
Mahina siyang natawa dahil sa tinuran ng bata.
"Ang tatay Tado ko, hindi siya rich pero lagi niya akong binibili ng toys at ice cream."
Hindi naman niya naiwasang mapakunot-noo sa tinuran ng bulilit.
"Tado? Who's that?"
Gumuhit ang pilyong ngiti sa labi ng bata.
"Selos ka ba?" Bumungisngis ito. "Don't worry, you're far handsome than him."
Siya naman ang napangiti dahil sa sinabi nito.
Maya-maya ay sumeryosong muli ang mukha ng bata.
"Pero love na love kami ng tatay Tado ko."
"Mas love na love ko kayo."
Hindi naman ito umimik. Sa halip muli lang siya nitong tinitigan.
"Pwede mo ba akong tanggapin bilang daddy mo?"
Napanguso ang bata.
"Depende kung kaya mo kaming buhayin ng mama ko."
Bago siya makaimik ay muli itong nagsalita.
"May work ka ba?"
"Oo naman."
"Ano namang work mo?"
"I'm a business man. I'm rich. I own a company."
"Hindi na ba mahihirapang mag-work ang mama ko kapag naging daddy kita?"
"Hindi na baby."
Hindi ito umimik. Lumapat ang kamay ito sa kanyang baba at umakto na parang nag-iisip.
"Gusto mo na ba akong maging daddy?"
"Hmm. Pinag-iisipan ko pa."
Maya-maya lang ay muli itong tumingin sa kanya.
"Siyempre depende pa rin kay mama. Pero kung ako pipili ng Daddy ko, gusto ko 'yong maraming pera."
"Marami akong pera."
"Dapat 'yong may maraming car din."
"Marami din ako no'n."
"Dapat may malaking house din."
"Meron din ako no'n."
Humakipkip ito at muli siyang tinitigan.
"Pasado ka naman kaso baka ligwak ka sa mama ko."
Hindi na niya nagawang umimik nang bumukas ang pinto. Pumasok mula roon si Amber. Napatayo siya nang makita ang ayos nito. Magulo ang buhok nitong nakapusod. Pulang-pulang ang kanyang pisngi nito. May maliit rin siyang sugat roon. Kita rin ang maliit na sugat sa kanyang bibig."
"Mama!" Mabilis na bumaba ang bata sa kama at patakbong sinalubong si Amber.
"Mama, what happened? "
Gumuhit ang ngiti ni Amber habang nakatingin sa bata.
"Huwag mo akong intindihin baby. Ito ang bagong trend ngayon. Ganito ang hairstyle ng mga magaganda."
"You have bruises."
"Wala ito baby. Bagong make up 'to ng mga dyosa."
Napunta ang tingin sa kanya ni Amber.
"May damit ba diyan na pwede kong pamalit?" Mahinahon na ito.
Kahit nagulat siya ay nagawa naman niyang sumagot.
"Oo." Sinabayan niya iyon ng tango.
Kumilos ang bata at pumunta sa gitna nila. Hinawakan din nito ang kamay ng kanyang ina upang kunin ang atensiyon nito.
"Mama, this guy, gusto niyang maging Daddy ko siya."
Bumuntong-hininga ang babae bago umupo upang pantayan ang kanyang anak.
"Siya talaga ang Daddy mo, anak."
"Eh pa'no na si mayor, mama? Lagi niya tayong binibigyan ng ayuda. Baka ma-hurt siya. Sabi pa naman ni tatay Tado super love tayo ni mayor."
Mahinang napabuntong-hininga si Amber.
"Lahat ng tao, love ni mayor, anak."
"Pa'no naman ang tatay Tado? Love din niya tayo."
"Iba ang tatay Tado mo, anak. Pwede mo siyang maging tatay pero di mo siya pwedeng maging Daddy."
"Edi sige, siya na lang ang Daddy ko kung 'di na pwede si mayor at si tatay Tado."
"No choice ka talaga, baby. Siya talaga ang ama mo."
Lumingon naman sa kanya ang bata. Gumuhit din ang pilyong ngiti sa labi nito.
"Narinig mo 'yon? Daddy na raw kita, ibili mo na ako ng toys. Marami hah?"
Nakangiti naman siyang tumango sa bata.
"Can you give me a hug?"
Agad naman bumaling ang bata kay Amber, tila nanghihingi ng permiso.
"Sige na, hug mo na siya."
"Hug kita pero bili mo akong ice cream, hah?"
Tinanguan na lang niya bata. Parang maluluha siya nang yumakap sa kanya ang bata.
Nang tumayo si Amber ay hinabol niya ito ng tingin.
"Salamat." Puno ng sinseridad iyon. Walang pagsidhan ang kanyang saya dahil kaharap niya ngayon ang kanyang mag-ina.
Nagkibit-balikat naman ang babae bago tinungo ang walk in closet.
Sinundan na lang niya ito ng tingin.
Hiling niya, sana ay dumating na ang araw na pakikisamahan siya nito ng maayos.
Bago ito tuluyang pumasok sa loob ay muli siyang lumingon.
Nagtama ang mga mata nila.
"Nakapagdesisyon na ako. Payag na akong magpakasal sa'yo."
Nang lumabas ng banyo si Amber ay tanging si Indigo na lang ang nadatnan niya sa loob ng silid. May kausap ito sa telepono ngunit kaagad rin itong nagpaalam sa kausap nang marinig niya ang pagbukas ng pinto. Anang isip ng dalaga, mabuti na lang pala at naisip niyang sa loob na lang ng banyo magbihis. Pinili niyang isuot ang isang kulay dark blue na wrap around dress na hanggang tuhod ang haba. Awtomatikong lumingon sa kanya si Indigo. Nang magsimula siyang humakbang ay sinundan siya nito ng tingin ngunit hindi niya ito pinansin. Sa halip ay dumeretso siya sa harap ng vanity mirror at pinanood ang kanyang sariling repleksyon habang nagpupunas ng buhok. Sandaling namayani ang katahimikan. Nang hindi na nakatiis ang lalaki ay tumikhim ito upang kunin ang kanyang atensiyon. "Gamutin natin 'yang sugat mo, Amber." "Hindi na kailangang gamutin 'to. Maliit na gasgas lang 'to." Malamig na turan niya. Ni hindi niya ito tinapunan ng tingin. Sa halip ay sinuklay nito ang buhok niyang h
Walang pagsidhan ang kabang nadarama ni Dark Indigo. Para siyang maiihi habang nakatuon ang pansin nito sa malaking pintuan ng function room. "Are you okay?" Untag sa kanya ni Gabriel Villacorda. Marahil ay napansin nitong, hindi mapakali ang kanyang mga kamay. "Yes, Dad." Pinilit na lamang niyang ngitian ito. Iginala ni Dark Indigo ang paningin sa loob upang kahit papaano ay mabawasan ang kanyang kaba. Hiling niya, sana ay magustuhan ng babae ang disenyo ng lugar. Kung sa kanya naman ay pasado sa panlasa niya ang ginawa ng event organizer. Sa pinakagitnang bahagi ng lugar ay nakasabit ang malaking chandelier. May palamuti ring tela sa taas kung saan nakasabit ang mga kulay moss green na paper lanters. Sa ibang bahagi naman ay nakasabit ang tila natuhog na mga crystal beads at LED lights. Maging ang mga upuan ng mga bisita ay nilagyan ng dekorasyon. May disenyong kulay puting artipisyal na balahibo sa sandalan ng mga upuan. Malalaki iyon na mas mahaba lang ng kaunti sa sandal
"Stop this bullshit wedding!" Dumagundong ang boses ni Ashton Blumentrint sa loob ng function room. Sunod na pumasok ang higit sa benteng kalalakihan. Dumeretso silang pumalibot sa mga guest. Lahat sila ay may mga tangan na de kalibreng mga baril at kaagad na itinutok iyon sa mga tao. "Uncle? What's the meaning of this?" Napanatili naman ni Dark Indigo ang pagiging kalmante. Humakbang palapit ang ginoo. Nag-iigting ang panga nito. At kulang na lang ay umusok ang ilong nito sa galit. "You can't marry her, Indigo!" Mariin nitong turan habang nakatuon sa kanya ang kulay kayumangging mga mata nito. Bago ba makapagsalita si Dark Indigo ay muli itong nagsalita. "You can't marry the mother of my son!" Kitang-kita ang paglabas ng litid nito sa leeg. Napanganga naman si Amber sa narinig mula sa lalaki. Nagsimula na ring umugong ang bulungan sa mga guest. Mabilis na itinaas ni Amber ang kanyang belo upang mas malinaw niyang makita ang lalaki. At para na rin makita siya nito. Aniya sa
Dumagundong ang dibdib ni Amber nang magsimula siyang humakbang sa pintuan . Iba iyon sa pintuang nakasanayan niyang pasukin noon. Pagpasok nila sa loob ay sinalubong sila ng isang katulong na nakasuot ng kulay dark blue na unipormeng pangkatulong "Welcome home, Master." Magalang itong yumukod ngunit ni hindi man lang siya tinapunan ng tingin ni Ashton Blumentrint. Nang dumaan sa harap niya si Amber ay ginawaran siya nito ng matamis na ngiti. "Welcome to the house of Blumentrint, ma'am." Yumukod din ito sa kanya. Sandali namang huminto si Ashton at kunot-noong hinarap ang katulong. "She is Amber, the Lady of this house." Agad namang nabura ang ngiti ng katulong. "Pasensya na po, Master. Hindi ko po alam." Taranta itong yumukod na parang nakagawa ng malaking kasalanan. Puno naman ng pagtataka ang mukha ni Amber na pinaglipat-lipat ang tingin sa dalawa. Maya-maya lang ay bumaling sa kanya si Ashton Blumentrint. Walang kaemo-emosyon ang mukha nito. "She is Aya." "Hi Aya
"Tell me, anong ginawa sa'yo ni Uncle?" Hindi naitago ni Indigo ang kanyang labis na pag-aalala para sa dalaga. Umiling naman si Amber ngunit patuloy pa rin ito sa pag-iyak Lalo tuloy nakaramdam ng pag-aalala si Indigo. Kanina pa sila nakaalis sa bahay ng kanyang tiyuhin. Labing-limang minuto na silang nakaupo sa pool area pero tila hindi nauubusan ng luha ang dalaga. "Sinaktan ka ba niya?" "Hindi." Umiling pa itong muli. Hindi pa rin maampat ang kanyang luha. Ginagap nito ang kamay ng babae at masuyo niya itong tinitigan. "Kung may ginawa siya, don't be afraid to confess it to me. Kakampi mo ako, Amber." "Wala ito." Umiling-iling siya kasabay ng pagbawi ng kanyang kamay. Napabuntong-hininga na lamang si Indigo kasabay ng pag-abot niya sa kanyang panyo sa dalaga. Alam niyang hindi totoong wala lang iyon. Hindi lang niya maintindihan kung bakit ayaw sabihin sa kanya ni Amber ang totoo. Tinanggap naman iyon ng dalaga. "Salamat." Ginamit nitong pamunas ang panyo. "Pasensy
"Anong ginagawa mo rito?" Tila sa isang iglap ay nawala ang matinding pananakit ng ulo ni Amber. Nakaramdam siya ng pagkaalarma. Awtomatiko niyang iginala ang paningin kung saan siya maaaring lumabas maliban sa kinaroroonan ng lalaki. "Am I not allowed in our room?" "Our ka diyan! Ang sa'yo, sa'yo lang. Huwag kang pauso diyan. Maka-our ka naman diyan parang legal tayo." "Then let's make us legal." "Asa ka! Aalis na ako." Mabilis siyang tumayo sa kama. Nakakailang hakbang pa lamang siya nang maagaw ng pansin niya ang pagtawag. "Mama!" Napatingin siya sa pinagmulan ng tinig. Nanlaki ang kanyang mga mata nang makita ang pagpasok ng bata sa pinto. "Hyde, anak." Mabilis namang lumapit ang bata sa kanya at niyakap siya ng mahigpit. "Anong ginagawa mo dito, anak?" Umupo siya upang pantayan ang bata. Sinipat rin niya ang kabuan nito. Mukhang namang walang masamang nangyari rito, masigla ito at may munting ngiti sa labi. "Mama, nalilito na ako." Nakanguso niyong turan at saka n
Buntong-hininga na lamang na tumalikod si Dark Indigo. Para siyang sinampal sa kanyang nasaksihan. Nagsimula na rin siyang matakot na baka mauwi sa wala ang lahat ng kanyang pagod upang mapasakanya lamang ang babae. "Hoy! Indigo!" Awtomatiko siyang napatigil sa paghakbang dahil sa pagtawag. Kaagad rin siyang napalingon dahil doon. "Halika rito, dali!" Kumaway pa sa kanya ang babae. Mayroon itong ngiti sa labi. Puno man ng pag-aalangan ay tinawid pa rin niya ang distansiya patungo sa kinaroroonan nila. Kahit tila nakakapaso ang tingin ng kanyang tiyuhin na si Ashton Blumentrint. Nabura naman ang ngiti ni Amber nang tuluyan siyang makalapit. Kaagad rin itong napatayo mula sa pagkakaupo. Gumuhit sa mata nito ang pag-aalala. "Anong nangyari sa'yo?" Nakatuon ang atensiyon nito sa pasa ni Indigo sa kanyang bibig. Tila naman hinaplos ang puso ng lalaki sa pag-aalalang nahimigan niya mula sa dalaga. Kabaligtaran naman iyon ng nadama ni Ashton. Nagpupuyos sa galit ang kanyang kalooban
Humagikgik ang batang si Hyde habang sinisipat niya ang suot nilang mag-ama. "Twinning tayo papa." Malawak ang ngiti nito at nagniningning ang mga mata. Magkapareho ang suot nilang blue polo. Maging ang suot nilang pantalon at sapatos ay pareho-pareho sila. Napaikot na lamang ng mata si Amber matapos siyang lumabas sa walk in closet. Hindi niya lubos maisip kung anong trip ni Ashton Blumentrint at gano'n ang napili niyang damit para sa kanilang dalawa ng bata. Siya naman ay nakasuot ng kulay blue na off-shoulder maxi dress. Tila tuloy nagkaroon sila ng color coding. Hindi na natuloy ang pagsama nilang mag-ina kay Dark Indigo matapos ipagpilitan ni Ashton na mayroon na silang gamit na mag-ina sa loob ng bahay nito. Gusto niya sanang magwala pero ayaw naman niyang masaksihan iyon ng kanyang anak. "Tara na, naghihintay na ang Daddy Indigo mo sa labas." Nakuha naman niya ang atensiyon ng bata. "Mama, t