Chapter 6.2

Nang lumabas ng banyo si Amber ay tanging si Indigo na lang ang nadatnan niya sa loob ng silid. May kausap ito sa telepono ngunit kaagad rin itong nagpaalam sa kausap nang marinig niya ang pagbukas ng pinto. 

Anang isip ng dalaga, mabuti na lang pala at naisip niyang sa loob na lang ng banyo magbihis. 

Pinili niyang isuot ang isang kulay dark blue na wrap around dress na hanggang tuhod ang haba. 

Awtomatikong lumingon sa kanya si Indigo. Nang magsimula siyang humakbang ay sinundan siya nito ng tingin ngunit hindi niya ito pinansin. Sa halip ay dumeretso siya sa harap ng vanity mirror at pinanood ang kanyang sariling repleksyon habang nagpupunas ng buhok.

Sandaling namayani ang katahimikan. 

Nang hindi na nakatiis ang lalaki ay tumikhim ito upang kunin ang kanyang atensiyon.

"Gamutin natin 'yang sugat mo, Amber."

"Hindi na kailangang gamutin 'to. Maliit na gasgas lang 'to." Malamig na turan niya.

Ni hindi niya ito tinapunan ng tingin. Sa halip ay sinuklay nito ang buhok niyang hanggang siko ang haba.

"Kahit cold compress na lang para hindi na mamaga 'yong pisngi mo."

Naramdan niya ang paglapit nito. May dala itong cold compress bag na kanina pa niya inihanda.

Hinarap siya si Amber at pilit itinago ang kumukulo niyang dugo sa lalaki. 

"Akin na." Walang itong kangiti-ngiting inilahad ang kanyang kamay.

"Pwede bang ako na lang ang gumawa?"

"Kaya ko na, Indigo. May mga kamay naman ako." Wala nang nagawa ang lalaki nang hablutin nito ang hawak niya.

Napabuntong-hininga na lamang si Indigo nang muli itong tumalikod at humarap sa salamin.

Pinanood na lang niya ang babae habang marahang dinadampi ang cold compress sa kanyang pisngi.

"Ahm, about the wedding, what do you want? Church wedding, garden or beach wedding?"

"Kahit ano, basta huwag lang garden wedding."

Marahan siyang tumango kahit nakatalikod sa kanya ang babae.

"Ayoko ring makakakita ng bulaklak sa araw ng kasal."

Gumuhit naman ang pagtataka sa mukha nito. Ang alam kasi niya ang gustong-gusto nito dati ng bulaklak. Alam niyang mahilig ito sa pag-aalaga ng halamang namumulaklak.

"I hate flowers," sunod nitong turan bago pa siya makapagtanong.

"What about the motif?"

"Ikaw na ang bahalang magdesisyon." Nahimigan niya sa tono nito ang iritasyon  gayunpaman ay pinilit pa rin niyang maging kalmante.

"Moss green and white, is it okay with you?" 

Sandali siya nitong binalingan ng tingin, hindi tuloy nakaligtas sa paningin niya ang pagtikwas ng kilay nito.

"Sinabi ko na ngang ikaw na ang bahala, di ba!"

"Okay. Moss green and white for the motif." Nanatili siyang mahinahon. "Sa mga abay, may gusto ka bang isama?"

Noon na siya hinarap ni Amber. Kitang-kita rin niya ang paglamlam ng mga mata nito.

"Si Missy ang gusto kong bridesmaid."

Ngunit maya-maya lang ay muling nawala ang emosyon nito sa kanyang mga mata

"Iyon lang ang gusto ko. Sa ibang details, ikaw na ang bahala. Huwag kang tanong ng tanong, nakakairita."

Nakaramdam siya ng paghapdi sa dibdib sa inasta nito. Malinaw na ngayon sa kanya, napipilitan lang itong pakasalan siya.

Bago pa niya maisatinig ang kanyang sentimiyento ay pinigil siya ng tatlong katok sa pintuan.

Maya-maya lang ay bumukas ang pinto. Iniluwa no'n si Dindi.

"Sorry po sa istorbo. Pinapatawag po kayo ni Master Gabriel. Nakahanda na po ang hapunan."

"Susunod kami." Mahinahon niyang sagot sa katulong. Yumukod naman ito bago sila iwan.

Hindi naman naiwasan ni Amber ang mapakunot-noo dahil sa hindi pamilyar na pangalang narinig. Bagay na napansin naman ni Dark Indigo.

"It's my dad. He wants to discuss about the wedding."

Bumalatay naman ang pagkabahala sa mukha ng babae.

Ginagap ni Indigo ang kanyang kamay. Nabigla siya sa ginawa nito. Tinangka niyang bawiin ang kanyang kamay pero lalo namang humigpit ang pagkakahawak sa kanya ng lalaki.

"Don't worry, napakabait ng Daddy ko. She knows about you and our son. He will be happy to finally meet you."

Tumikhim ang babae upang mawala ang bara sa kanyang lalamunan.

"Baka matapobre 'yon, hah? Hindi ko bagay ang inaapi-api. Hindi pang Damsel in distress ang kagandahan ko."

Hindi napigil ni Indigo ang pagsilay ng munting ngiti sa kanyang labi. Aniya sa isip, gano'n magsalita ang Amber Velez na kilala niya.

"Mabait ang Daddy ko, Amber. At kung sakali mang gawin nila sa'yo 'yon, ipagtatanggol kita."

"Tsk! Kay landi mong nilalang." Nag-ikot ito ng mata. "Eh ang mommy mo?"

Bumalatay naman ang lungkot sa mga mata ni Indigo.

"She's already in heaven. Namatay siya sa panganganak sa kapatid ko."

Tila naman natigilan si Amber sa narinig.

"Pasensya na, natanong ko pa." Nag-iwas ito ng tingin upang maitago ang nadama niyang awa para sa lalaki.

"It's okay."

 

Nang hindi na umimik ang babae ay marahan niya itong hinila palabas ng silid.

"C'mon, dad is waiting for us."

Napatianod na lang si Amber. Aniya sa sarili, pansamantala na muna niyang isasantabi ang galit sa lalaki. 

Hinayaan niyang hawak nito ang kanyang nanlalamig na kamay hanggang sa makarating sila sa dining area.

Hindi pa man nila tanaw ang mesa ay bumungad na sa kanila ang malutong  na halakhak ng isang lalaki.

Kitang-kita naman ni Amber ang pagguhit ng ngiti sa labi ni Indigo.

Nang tuluyan silang makarating sa mesa ay bumungad sa kanila ang isang lalaking marahil ay nasa late fifties na ang edad. Kita na ang ilang puti sa buhok nito. Gayunman ay hindi pa rin maikakaila ang kakisigan nito dahil sa aristokrado nitong ilong. Malawak ang ngiti nito, nagniningning ang mga mata nito habang nakatuon ang atensiyon nito kay Hyde na may hawak-hawak na hotdog. Halatang bagong paligo ang bata dahil basa pa ang buhok nito. Mukhang bago rin ang suot nitong kulay light blue na damit pantulog.

"Dad." 

Kaagad naman itong lumingon sa direksyon na kinatatayuan nila.

"Son." Ngumiti ito nang makita si Indigo. Maya-maya lang ay napunta ang tingin nito sa kanyang kasama.  "Ito na ba ang future daughter in law ko?" 

"Yes, dad." Marahang tumango si Dark Indigo.

"She's Amber, dad." Bumaling ito sa babae pagkatapos. "Amber, he's my father, Gabriel Villacorda."

" Nice to finally meet you, Hija."  Magiliw ang tono ng Ginoo. Malawak ang ngiti nito at hindi nawala ang kinang sa mga mata nito. "Noon ka ba bukam-bibig nitong anak ko. And now, I understand why, you are naturally gorgeous."

"Thank you po."

"No, thank you." Bumaling ito sa batang abala sa pagkain. "I never thought that being a grandfather is not that bad. Hyde is such an adorable kid."

Tipid na ngiti na lang ang naisukli niya kay Gabriel Villacorda sa tinuran nito. Wala siyang maapuhap na salita, buong akala niya ay mamaliitin siya ng pamilya ni Indigo dahil sa estado nito sa buhay.

"Oh, please take your seat. Lumalamig na ang pagkain."

Ipinaghila siya ni Indigo ng upuan. Nang umupo ang lalaki sa katabi niyang upuan ay umupo na rin siya.

Tuluyan nang nawala ang pagkailang niya nang makita niya kung paano asikasuhin ng matandang Villacorda ang kanyang anak na si Hyde. Ang bata naman ay tila palagay na ang loob nito sa kanya. 

"Dad, gusto kong gawin kung anong tama para sa mag-ina ko." Kaagad namang lumingon si Grabriel Villacorda sa kanyang panganay. "Dad, I want to marry, Amber."

Tumango-tango naman ang Ginoo.

"Everything about the wedding is already planned. My people are already working for it."

"I should tell my amigos about it." 

"About that, dad. I want a limited guest. Families and close friends are enough. I want the wedding to be private and intimate."

Pinagsalikop ng matanda ang kanyang mga kamay at sumeryoso ang mukha nito.

"Hindi naman yata ako papayag na simple lang ang kasal ng panganay ko."

"Don't worry, Dad, we can do that on our second wedding. Gusto ko lang talagang madaliin ang kasal para maibigay ko na ang apelyido ko sa anak ko."

Sandaling tinapunan ng Ginoo ang apo nito.

"Alright. But how about  your grandfather?"

"Malabo pong makapunta si Grandfa, dad dahil sa health condition niya." 

"That's what I'm thinking, Hijo."

"Pwede siguro kaming magpakasal ulit sa Spain para kay Grandfa, dad. I already told him about it. Naiintindihan naman po niya ako."

"Alright. If that's the case then it's settled. So, kailan ninyo gustong magpakasal?"

Nilingon siya ni Indigo bago ito magsalita. Alam na niyang mangyayari ang kasal sa pinakamadaling panahon ngunit hindi nito inasahan  ang kanyang naging sagot.

"The wedding will be tomorrow, Dad."