CHAPTER 2

MY MYSTERIOUS WIFE BOOK II THIRD GENERATION 

CHAPTER 2

3RD POV 

‘Ayokong maging isang talunan, kaya gagawin ko ang lahat. Hindi lang ako pagtatawanan ng mga kaibigan ko.’ Kinuha ni Jin ang kanyang phone at tinawagan ang babaeng pinakasalan niya. 

“Ihanda mo ang sarili mo, dahil gusto kang makilala ng Mommy ko. Susunduin nalang kita sa condo ko bukas.” Wika ni Jin dito, habang mabilis niyang binaba ang phone niya. Nang mapalingon siya sa gilid ay nakita niya ang picture ni Nova, kaya mabilis niya itong kinuha. 

KINABUKASAN ay maaga siyang pumunta sa condo niya, dahil alam niyang isang mahirap ang babaeng pinakasalan niya. Wala naman siyang pakialam doon. Pero gusto niya lang itong bihisan. 

Nang makarating siya sa condo niya, ay mabilis siyang pumasok, dahil hindi niya nakita ang babae sa sala, ay mabilis niyang tinungo ang silid at binuksan ito. Malakas naman na napasigaw ang dalaga, habang nakita niya itong walang damit. Hindi mapigilan ni Jin anh napalunok, dahil sa kanyang nakita. 

“Lumabas ka nga!” Malakas na sigaw nito sa kanya, habang itinakip nito ang kumot sa buong katawan nito. 

Hindi niya napigilan na mapamura, dahil sa inis na nararamdaman niya, lalo na sa ginawa nitong pagsigaw sa kanya. 

“Fvck! Bakit ba naninigaw ang pangit na ‘yon? Hindi niya ba ako kilala? Hindi ba niya alam na ako pa rin ang may-ari ng bahay na ‘to?” Pabalik-balik si Jin sa paglalakad, dahil sa inis na nararamdaman niya. 

Nanh bumukas ang p*nto, ay hindi niya na-pigilan na napalunok, nang makita ang sexy nitong katawan. Pati na rin ang mukha nito. Kung hindi lang sana ito nagsusuot ng malaking salamin, ay iniisip niya na maganda ito. 

“Bakit ba bigla ka nalang pumasok?” Galit na wika nito sa kanya. Habang napatingin siya rito. 

“Baka nakalimutan mong ako ang may-ari rito?” 

“’Wag mong kalimutan na asawa mo na ako, kaya pagmamay-ari ko na rin ang bahay mo.” Irap na wika nito sa kanya, habang umupo ito sa sofa. Hindi naman siya makapaniwala na tumingin dito, dahil ang akala niya ay mabait ito. 

“Bilisan mo na, dahil hinihintay na tayo ng mga magulang ko.” Wika rito ni Jin, habang na-patingin ito sa kanya. 

“Anong sasabihin ko kung may itatanong sila sa akin?” malalim siyang napahinga, dahil sa sinabi nito sa kanya. 

“Magsinungaling ka nalang, ‘wag mong sabihin sa kanila na basta nalang tayong nagpapakasal, dahil ayokong pagtatawanan nila ako,” sagot niya rito. 

“Sandali lang, ano pala ang pangalan mo?” tanong niya rito. 

“Ang akala ko pa naman, wala kang balak na alamin ang pangalan ko.” 

“Kailangan kung malaman ang pangalan mo, dahil ipakilala kita sa kanila. Balak ko rin na ilipat ka sa bahay ko.” Napatingin ito sa kanya, dahil sa kanyang sinabi. 

“May sarili kang bahay?” lihim na nailing si Jin dito, dahil nakita niya ang pagkamangha sa mukha nito. 

“Marami akong bahay, at pwede bang ‘wag mo nang alamin ang buong pagkatao ko, dahil hindi naman ako interesado sa ‘yo, kaya lang kita pinakasalan, dahil kailangan kung maisalba ang sarili ko sa kahihiyan. Pero ‘wag kang mag-alala, dahil hangga’t asawa pa kita, handa kitang bayaran.” Wika ni Jin, habang nauna siyang naglalakad dito. 

“Bilisan mo na, at mamaya ibibigay ko sa ‘yo ang bayad.” 

“Ano nga ulit ang pangalan mo?” Tanong niya, habang nilingon ang dalaga. 

“Ivanna..” Mahina na sambit nito sa kanya, habang muli niya itong tinalikuran.  

“Jin Harris, gusto kung tandaan mo ang pangalan ko.” Wika niya, habang pinagbuksan ito ng p*nto sa kotse. 

“Pumasok kana, kailangan ko pang pumasok sa opisina.” Muling wika ni Jin dito, habang inalalayan itong pumasok sa loob ng kotse. Napansin niya naman na napatingin ito sa kanya, kaya malawak siyang napangiti rito. 

Umikot si si Jin sa kabilang at pumasok sa front seat.  

“Kung may kailangan ka, tawagan mo lang ako. Ivanna, nakapagtapos kaba ng pag-aaral?” Tanong niya rito, habang tumango ito sa kanya. 

“Kung gusto mo ring magtrabaho, pwede ka sa opisina ko, kung gusto mo lang. Pero kaya naman kitang buhayin, baka lang kasi magalit si Mommy, kapag nalaman niyang wala kang ginagawa.” 

“Sige papasok ako sa opisina mo.” Mabilis siyang napalingon dito, dahil sa sinabi nito sa kanya. 

“Salamat, pero ayoko sana na may nakakaalam na ikaw ang asawa ko, ayokong mailang ang mga tauhan ko sa ‘yo.” 

“Walang problema,” mas lumawak pa ang ngiti ni Jin, dahil sa narinig niya mula kay Ivanna. Madali lang kasi itong kausap, at panay sunod lang ito sa kanya.

NANG makarating sila sa bahay ng mga magulang niya, ay agad silang sinalubong ng kanyang ina. 

“Jin!” Tawag nito sa kanya, kaya napatingin siya rito. 

“Mom, ito pala ang asawa ko si Ivanna.” Pakilala niya sa dalaga, habang napatingin ang kanyang ina kay Ivanna. 

“Taga saan kaba?” tanong nito sa dalaga. 

“Probinsya po ang bahay namin Ma’am,” sagot nito habang napa-kunot ang noo ng kanyang ina. 

“Probinsyana ka pala? Saan mo naman siya napulot Jin?” 

“Mom, mabait naman ang asawa ko, kaya pwede bang hayaan mo na muna kami.” Wika niya rito, habang hinalikan ito sa pisngi. Hinawakan siya ng kanyang ina, at lumayo ng konti sa dalaga. 

“Kaya mo ba siya pinakasalan, dahil sa ginawa sa ‘yo ni Nova?” tanong nito sa kanya. 

“Pwede bang ‘wag na natin siyang pag-usapan pa Mommy.” 

“Paanong ‘Wag pag-usapan, alam mo bang wala rin akong gusto sa babaeng ‘yan! Tingnan mo naman ang itsura niya Jin!” problemado na wika sa kanya, ng kanyang ina. Habang malawak siyang napangiti rito.

“Ano bang gusto mo? Gusto mo bang si Nova nalang ang pakakasalan ko?” Inis siyang tiningnan ng kanyang ina, habang muli siyang napangiti. 

“Mas mabuti pa kung ang babaeng ‘yan nalang.” Wika nito, habang iniwan siya. 

“Ikaw na ang bahala sa asawa mo, tama na nakita ko na siya, ibalik mo na siya sa lugar kung sa’n siya nanggaling.” Wika ng kanyang ina. Habang tinalikuran siya nito.

Mabilis niya namang binalikan si Ivanna, at pilit na ngumiti rito. 

“Biglang sumama ang pakiramdam ni Mommy, kaya dadalhin na muna kita sa magiging bahay natin.” Wika niya kay Ivanna, habang hinawakan niya ang kamay nito.