Chapter 25

Lisa POV

"What do you think of these cups, Hija?” sigaw ni Mommy para maagaw ang atensyon ko mula sa binabasa kong brochure na nakita ko lamang sa may information desk pagpasok namin dito kanina.

Tumingin ako sa kanya na nasa bandang kaliwa ko, nakataas ang dalawang magkaibang kulay na tasa sa kanyang magkabilang mga kamay. Pinagsalit-salitan niya ito na parang tinatanong ako kung alin doon ang maganda sa hawak niya. Ngumiti ako habang papalapit, tiningnan ko ang mga ito, sinipat ng maigi. Wala naman pinagkaiba maliban sa kulay nila. Pareho namang magaganda at ‘di ordinaryong tasa lang pero ang— mahal!

Gawa daw kasi ang mga ito sa porcelain at lahat ng mga nandito sa mga estanteng ito ay limited edition lamang. Madalas daw isang klase lamang dahil gawa ito sa mano-mano ng mga tanyag na manggagawa sa mga ganitong uri ng bagay. Kaya asahan mo wala kang katulad sa ganoong design na iyon. Na isa sa mga dahilan sa pagmamahal ng mga nito.

Mas espesyal daw ito at talaga naman nakakatuwa s