Chapter 21

Maingat kong dinampian ng bulak na may alcohol ang sugat ni papa. Nasugatan ko siya kanina habang nags-sparring kami. Tinuturuan niya kasi akong gumamit ng espada. Hindi ko masyadong gusto ang espada dahil pakiramdam ko ay ramdam ko rin ang laman ng kalaban ko kapag natamaan ko siya. Mas interisado ako na matutong gumamit ng pana. Bakit ako interisado sa pana? Para feeling Katniss Everdeen hehe. Pero seryoso na, I like the bow and arrow because I’ll be hitting enemies from afar and I won’t be able to see their pained expression up close. Parang kanina, nang matamaan ko si papa gamit ang espada na ibinigay niya sa akin ay parang nanghina ang tuhod ko at gusto kong tumakbo agad palapit sa kaniya upang alalayan siya. Pero hindi niya iyon pinahintulutan at sinabi niyang wag ko raw pansinin ang sugat niya. Ngayong tapos na ang training namin ay saka niya ako hinayaan na gamutin ang sugat niya. Hindi naman iyon gaanong malalim para kay mama at papa pero para sa tulad kong namu