Chapter 206

TREXIE POV

"Ano ba! Bitiwan mo nga ako!" kaagad na angil ko kay Dominic sabay piksi. Dahilan para mabitawan niya ang braso ko. Galit pa akong napatayo para sana kumprontahin ito pero si Cholo ang pinagtoonan nito ng pansin.

"Ano ang ginawa mo dito sa coffe shop kasama ang stupid na iyan? Manliligaw mo?" sambit ni Dominic habang galit na galit na nakatitig kay Cholo. Kung nakamamatay lang ang galit na titig, baka kanina pa bumulagta si Cholo.

"Who are you? Bastos ka ah? Bakit mo ba kami ginugulo?" kaagad naman ding sabat ni Cholo. Tumayo pa ito at hinarap si Dominic. Hindi naman nagpatinag si Dominic bagkos hinawakan niya sa kwelyo si Cholo at malakas na itinulak dahilan para muntik na itong mapasubsob sa isang katabing mesa.

Lalong nagkaroon ng tensiyon sa paligid. Kaagad na bumwelta si Cholo at inundayan ng suntok si Dominic na kaagad naman nitong nasalag at mabilis na sinapak sa mukha si Cholo. Sapol ang panga ni Cholo kasabay ng pagkatumba nito sa sahig. Hindi naman ako makapaniwal