Chapter 207

TREXIE POV

Walang halaga ang pagsigaw ko dahil wala namang nagtangka na tumulong sa akin. Parang papel lang akong buhat buhat ni Dominic at ipinasok sa loob ng kanyang kotse. Seryosong seryoso ang mukha nito at halos nagbabaga ang mga mata nito sa sobrang galit.

Pagkababa nito sa akin sa loob ng kotse kaagad naman akong sumiksik sa kabilang bahagi ng pintuan lalo na ng mapansin ko na sumakay na din ito at naupo sa tabi ko.

"Ano ba ang problema mo? Bakit ka ba nakikialam?" nanggagalaiti kong sigaw sa kanya. Aba! Kung galit siya, mas galit ako! Naiinis ako sa isiping bigla na lang itong lumitaw sa harap ko at walang ibang pasalubong kundi iskandalo. Hindi ko alam kung ano ba talaga ang gusto niyang iparating at bakit niya ginugulo ang buhay ko.

"Ayaw ko ng nakikita kang sumama-sama sa unggoy na iyun." malamig ang boses na wika nito. Kaagad naman nagsalubong ang kilay ko dahil sa narinig na kataga na lumabas sa bibig niya.

"Unggoy?" inis kong tanong sa kanya. Matalim ako nitong tinitigan