Chapter 62

AODIE

HABOL KO ang hininga ko nang matapos kong masipa at masuntok ang pang-apat lalaking kanina lang ay hinahabol ako!

Yung tatlong nauna sa kan’ya ay nagpapahinga na at siya naman ang kinakalaban ko.

Nakatumba na ito ngayon pero alam kong tatayo pa siya dahil nakikita ko pa ang ngiti sa labi niya.

“That's all you've got?!” sigaw nito sa akin sabay punas ng labi niya.

Marahan itong tumayo sabay dura sa sahig ng small arena.

“Ayaw mo pang sumuko? May mga pasa pasa ka na at dugo sa ilong! Kulang na nga lang ay ipagawa mo na iyan pagkatapos nito tapos ayaw mo pang sumuko?!” sigaw ko sa kan’ya.

Mukha naman hindi siya natawa sa biro ko dahil mas tumalim ang tingin niya sa akin pero totoo naman kasi na bugbog sarado na siya e.

Napalaki naman ang mata ko nang makita ko itong naglabas ng patalim. Pwede ba yon?! Kanina naman sa tatlong nakalaban ko ay walang patalim?!

Agad akong lumingon kay Cold na nakakrus ang mga kamay sa dibdib niya. Walang emosyon ang mukha nito bago tinuro ang lalaki sa