Chapter 65

AODIE

HABOL ko ang hinga ko habang pilit na kumakawala ang mga kamay ko sa pagkakagapos. Hindi ko alam kung nasaan ako basta pagmulat ng mata ko puro dilim ang nakikita ko tanda ng piring ko sa aking mata.

Hindi ko rin magawang makasigaw dahil sa nakabara sa bibig ko. Nakabuka ito ngunit ramdam ko ang isang telang pilit pinakagat sa akin para hindi ako makasigaw.

“Uhgh!” pilit kong sigaw para marinig ako ng mga taong pakiramdam ko ay nasa paligid ko lamang.

“Hoy! Tumahimik ka diyan, babae! Baka kapag nabwisit ako sa iyo wala pa man si bossing, mabanatan na kita!” rinig usal ng tao na sa tingin ko ay lalaki.

Kahit na binantaan na ako nito, hindi pa rin ako tumigil kakapumiglas sa upuan kung saan ako nakatali nang mahigpit.

“Ay! P*tang-*na! Hindi ka talaga titigil?!” malakas na sigaw ng kaninang lalaki at mabilis akong nakaramdam ng pagtama ng palad nito sa aking mukha.

Ramdam ko ang hapdi ng pagtama ng palad nito sa akin pati na ang lakas nito dahilan para mapatabingi ang ulo ko. Gusto