GRAY“Oh, kuwarto ko!” halata ang inis sa mukha ni Aria nang magsalita matapos niyang buksan ang pinto ng kuwarto niya. Sa nakikitang ekspresyon ng mukha nito ay hindi ko maiwasang hindi matawa sa kaniya. She’s cute when she’s upset, halatang napilitan lang siyang ipakita sa akin ang kuwarto niya, e.Nang matapos kasi kami sa pagkain ng inihanda ng mama niya na hapunan kanina ay inutusan ni Tita Melanie si Aria na ilibot ako sa buo nilang bahay. Hindi ito ganoon kalaki pero masasabi kong maganda ang kabuuan ng bahay nila. Malinis at maaliwalas ang lahat dito, halatang pinag-isipan ang bawat detalye ng tirahan nila. I also noticed that they have security buttons here, siguro dahil silang dalawa lamang ng mama niya ang naninirahan dito sa kanila. Parehas pa silang babae, so it is very wise to have their home secured. “Umuwi ka na kaya, S— Gray. Tama na ang kadaldalan ni Mama sa baba.” muli niyang salita nang makapasok kami sa kuwarto niyang nagpapakita ng buo niyang pagkatao.Kung anon
ARIAIlang oras na ang lumipas matapos kong nakawan ng halik sa pisngi si Sir Gray, pero hanggang ngayon ay parang nanginginig pa rin ang tuhod ko. Kahit nasabi kong friendly kiss lang ‘yon ay kinakabahan pa rin akong harapin siya. Hindi ko rin naman kasi alam kung bakit ko ginawa ‘yon, wala naman kasi sa plano ko kagabi ang bagay na ‘yon. But all of a sudden, I felt like it was the best time to kiss him on his cheek. Gusto ko lang naman siyang pasalamatan dahil sa saya na naramdaman ko noong nasa bahay siya, kahit aminado akong ayoko noong una na tinanggap niya ang imbitasyon ni Mama sa kaniya. Hindi ko lang din inaasahan na mapapasaya niya ang nanay ko, halatang natuwa si Mama sa kaniya dahil pumayag si Sir Gray na tulungan siya sa hilig niyang baking. Nakahihiya man sa teacher ko dahil gabi na ‘yon ay sobra kong na-appreciate ang ginawa niyang ‘yon.Alam ko naman kasing KJ ako sa mga hilig ni Mama, hindi rin ako pala-kwento sa kaniya dahil siguro natatakot akong may masabi sa kani
ARIA Matamlay na may inis kong inilapag ang aking malaking traveling bag sa likuran ng classroom namin. Doon ipinapalagay ng magaling kong teacher na si Sir Gray ang mga gamit naming dadalhin sa camping mamaya. Ayon kasi sa kaniya, magiging sagabal daw ang mga ito sa amin habang nasa klase kami kaya mas lalong sumama ang pakiramdam ko sa kaniya sa mga oras na ito. Klarong-klaro pa rin sa memorya ko ang detalyadong eksena na aking nasaksihan sa opisina niya kahapon. Muli ay hindi ako nakatulog ng maayos dahil tila ba binabangungot ako ng pangyayaring ‘yon. Bihira ko na nga mapanaginipan si Ariella sa tulog ko ay pumalit naman ang lalakeng sinasamaan ko ng tingin ngayon. Hindi niya ata alam na mas sagabal sa utak ko ngayon ang laplapan—este halikan nila ng kasamang babae kahapon, kaysa sa mga traveling bag na dala naming lahat para sa camping. Kaurat! Masama pa rin nga ang loob ko sa kaniya ay dinagdagan pa talaga niya ngayong umaga, hindi porket may half-day classes pa kami bago an
ARIA“Wow naman ang, brother Yohan! Made in Japan ka talaga!” malalim na paghinga ang nagawa ko habang pinagmamasdan ang maligaliw kong mga kaibigan sa harap ko. Maingay man ang buong field dahil halos lahat ng estudyante ay narito na at nag-aabang na lang ng hudyat para sumakay na sa kaniya-kaniyang bus, boses pa rin nila ang Brooklyn ang nangunguna sa tainga ko.Ang iingay. Kasalukuyan kasing nagbibigay si Yohan sa mga kaibigan namin ng paper bags na naglalaman ng mga pagkain na ipinangako niya sa amin para sa birthday niya kahapon. Hindi ko pa man nakukuha ang akin ay alam kong puro Japanese snacks ‘yon dahil nabalitaan ko kila Tita na nagpadala sila ng balik-bayan box kay Yohan noong nakaraang araw. Malamang puno ‘yon ng mga pasalubong.“Isa-isa lang, lahat makakukuha ng relief goods!” boses ni Felix habang tinatawanan sina Joseph na tila ba nakikipagpatayan na para lang mauna sa malaking paper bag na inilabas ni Yohan kanina. “Tumigil nga kayo riyan! Nakita niyo na ngang may pan
ARIA“Inulit pa nga!” mahina kong banggit nang muli na namang napunta kay Henry ang buff na para sana sa hero ko. Pangatlong beses niya na akong naagawan ng blue buff gayong tank ang role niya sa laro namin. Nakakainis! Kapag kami natalo rito ay siya talaga sisisihin ko.“Hindi sadya ‘yon, ah!” rinig kong komento niya sa voice chat namin. Naka-earphones ako ngayon at maging ang mga tropa ko dahil kailangan namin ng communication sa larong ‘to. Hindi naman pwedeng magsigawan kami rito sa bus, edi nagalit mga taong kasama namin dahil sa ingay.“Boss Aria, samahan kita roon sa ibabang line. Kuhanin na lang natin ‘yung pula.” sabat ni Benjie na tinutukoy ang red buff sa may bot line. Nakita kong papunta na siya roon kaya itinago ko muna sa damuhan ‘yung hero ko bago umuwi sa base. Buti pa ‘tong baguhang si Benjie, marunong mag-isip. Kahit marksman ang role ay mapagbigay.Custom game nilalaro namin sa ML, 5v5. Kampi ko sina Henry, Benjie, Joseph, at ang bagong sali na si Cloud. Nang malaman
ARIA Hindi na ako magpapanggap pa, nasarapan ako sa mga pagkain na ibinigay sa akin ni Sir Gray kanina kaya sinulit ko ang oras sa pagkain ng mga ‘yon. Nang matapos ay inilagay ko ang lahat ng basura sa paper bag na hawak. Bawal kasi magkalat sa bus kaya responsibilidad ko ang mga pinagkainan kong ‘to. Ngayon ko lang nabigyan ng tingin si Sir Gray na mukhang malalim na ang tulog. As usual, guwapo pa rin talaga siya kahit natutulog lang ang ginagawa niya. Nakita kong nakasuot siya ng headphones kaya walang chance na madistorbo ko siya para ipalagay sa compartment sa itaas namin ang paper bag na hawak ko ngayon. Wala rin naman akong plano na gisingin siya, no! Masyado na ako sumusobra kapag ginawa ko pa ‘yon kaya napag-desisyunan ko nang tumayo na lamang sa kinauupuan ko.Maliit lang ang guwang na pwede kong daanan para makalabas sa aisle ng bus at maabot ang itaas ng upuan namin, at sa laking tao ni Sir Gray ay parang mahihirapan ako lumusot doon. Dahil nag-iisip pa kung anong kilos
ARIA Gumaan ang pakiramdam ko nang sa wakas ay magawa ko nang mailatag ang katawan ko sa malinis na damuhan dito sa open field ng Zineec Forest. Katatapos lang ng orientation namin para sa mga magaganap sa camp naming ‘to. Grabe rin sa kadaldalan ng host ng camp namin at inabot na kaming alas dies ng gabi sa kasasalita niya. Halo na ang gutom ko at pagod para sa araw na ‘to at gusto ko na lamang magpahinga. Ang masaklap niyan ay hindi pa ayos ang tents at mga gamit na dala naming lahat, kaya malamang ay mamaya pa kaming hatinggabi matatapos. Idagdag pa na wala pa kaming hapunan, ngayon pa lang sila nag-didistribute ng dinner sa amin. Hanep ‘yan! May ilan pang nagsasalita sa harap ngayon, sobrang gulo ng paligid dahil nga unang gabi. Gayunpaman, ang mga mata ko ay pinili ko na lang ituon sa magandang kalangitan. Malalim na ang gabi, pero maliwanag ang buwan ngayon. Parang tutok na tutok dito sa kinahihigaan ko ang mga celestial bodies— charot. Nang lumakas ang ingay sa paligid ay k
ARIAIlang segundo rin akong hindi nakagawa ng kilos dahil sa mga sinabi ni Sir Gray. May nakikita man akong ngisi sa kaniya na senyales na binibiro lamang niya ako ay para bang sineryoso talaga ng sistema ko ang lahat. Pansin na kaya ni Sir Gray na may crush ako sa kaniya kaya palagi niya akong pinapaasa gamit ang mga linya niyang pa-fall? Kasi kung alam niya na at sinasadya niya ang lahat ng ito ay malamang mababanatan ko talaga siya.Kainis talaga!“Aria!?” mabilis nawala kay Sir Gray ang aking atensyon nang bigla kong narinig ang pamilyar na boses ni Mrs. Daniels na halatang kararating lang dito. Mabilis akong nag-ayos ng tayo para maharap ng maayos ang fave kong teacher sa EU.Nakangiti si Ma’am Daniels sa akin kaya ginantihan ko lang din siya ng isang ngiti. Nagpapasalamat akong dumating si Ma’am ngayon, kasi kung hindi siya dumating ay hindi ko na alam kung paano ako makasasagot o maka-rereact man lang sa mga pabirong sinabi ni Sir Gray kanina. “H-hi po, Mrs. Daniels!” bati