Chapter 30

Nanghihina na umupo ako sa upuan. Panay ang paghinga ko ng malalim para maging maayos ang aking pakiramdam. Bakit ngayon ko lang ito nalaman lahat? Sana hindi siya nahirapan sa hustisya na hinahangad niya dahil ako ang susi sa lahat. Sana matagal na siyang nakawala sa akin. Sana masaya na siya ngayon kasama ang babaeng mahal niya kung maaga palang nakamit na niya ang hustisya.

Gayong patay na ang aking ama sana nakuha na niya ang hustisya para sa pamilya niya. At kahit masakit para sa akin na iwan siya tatanggapin ko ang katotohanan na parte lang ako sa lahat ng plano niya. If he wants to rid me I will accept with all my heart kahit pa ang patayin niya ako, ganon ko siya ka mahal.

Inayos kung muli ang mga papel sa dati, nanginginig pa kamay ko na dinampot ang litrato ko doon. Hindi ko alam kung ano ang gagawin ko pagkatapos ng lahat ng nalaman ko basta ang alam ko hindi ko pa kayang mawalay sa kanya. Kinuha ko ang charger dahil iyon naman ang pakay ko at lumabas na may mabigat na loob.