Chapter 13

NAPAISIP si Zoe sa sinabi nito at alam niyang malaking gulo ang papasukin kapag pumayag ito sa kagustuhan ng binata. Pero ano pa nga bang magagawa niya? Matagal ng sira ang pagkatao niya. Matagal ng wasak ang pamilya niya. Ano pa ang kinakatakot niyang mawala?

Hinarap niya ang binata at walang emosyon sa mukha na sinagot si Dylan.

"Bibigyan kita ng sariling anak, pero lahat ng atensyon mo na para kay Reighn ay dapat nasa akin."

Nag-aalinlangan man si Dylan ay tumango pa rin siya. "Deal," sagot nito.

Nagulat si Zoe nang sunggaban siya ng halik ni Dylan na para bang sabik na sabik. Nanlaki ang mga maliliit na mata ni Zoe at tinulak palayo si Dylan.

"What are you doing, Dylan? Baka may makakita sa atin dito!" may diing sabi ni Zoe at palinga-linga sa kaniyang paligid kahit alam niyang nasa kuwarto lang siya. Tinuro naman ni Dylan ang pintuan.

"Ni-lock ko ang pinto, Zoe," sagot ni Dylan na ikinalingon ng dalaga.

"W-What?" Namumula ang mga pisngi ni Zoe dahil sa hiya na naramdaman.