Chapter 25

DALAWANG linggo na ang nakalipas nang mabalitaan ni Dylan na nakalabas na sina Zoe sa hospital. Nabalitaan niya ring nasa bahay na sila nagpapahinga at nagpapagaling. Simula noong mangyari ang lahat noong nagkasagutan sila ni Reighn ay hindi pa siya ulit nakalalabas ng bahay. Madalas lang siyang dalhan ng kaniyang ina ng pagkain dito.

Kahapon ay sinubukan niyang puntahan si Reighn sa bahay nina Hayden, pero wala ito roon. Hanggang ngayon ay hindi pa siya kino-contact ng kasintahan kaya wala siyang nagawa kung hindi ang umuwi na lang sa bahay. Sa ilang oras na nakatingin siya sa larawan nilang dalawa ni Reighn ay hindi niya mapigilang mag-isip.

Ngayong araw ay napagdesisyunan niyang aayusin na ang lahat. Hindi niya puwedeng iwan si Reighn lalo na at magkakaanak na sila. Ito rin naman ang pinangarap niya simula noong una pa lang at ito ang magkaroon ng sariling pamilya. Kaya nga nagkaroon sila ng sekretong relasyon ni Zoe. Isa pa ay gusto niya na ring malinawan kung ano ba talaga ang na