Chapter 18

Madaling bumalik sa kainan si Katya upang komprontahin ang ina pero pagdating niya sa kanilang mesa ay wala na ito doon. Wala na rin ang mga sandamakmak na pagkain. Kumuyom ang mga kamao niya sa matinding galit.

May kinalaman ang mga magulang niya sa pagkakadukot sa anak niya!

Hindi man niya alam kung bakit may kamukha si Gio pero nasisiguro niyang hindi ito ang binata. Hindi na rin niya ma-contact si Danica.

"Ma'am, mabuti at bumalik po kayo. Tumakbo na lang po kasi ang kasama niyo kanina nang makuha ang mga pinabalot niyang pagkain. Hindi na nagbayad. Mama niyo po ba iyon? Bakit ganun? Ito nga po pala ang bill."

Hindi na nagreklamo pa si Katya nang makita kung magkano ang babayaran niya. Wala na siyang oras doon. Mabilis siyang dumukot ng pera sa wallet niya. Doon niya nakita ang business card na ibinigay sa kanya ni Ren noon.

Biglang pumasok sa isip niya si Kaiser. Siya lang ang nakikita niyang pwedeng lapitan ngayon. Kakapalan na niya ang kanyang mukha. Wala ng oras pa para sa hiy